深圳直擊蔡少芬（Ada ）昨日現身深圳，為玩具大王女兒蔡加敏開設的名牌手袋店Hot Square 剪綵，Ada 與倪震舊愛陳法蓉十分老友，問到她對倪震與周慧敏忽然宣佈結婚有何感想時，她說：「佢又唔係我親人朋友，不過佢哋係一對金童玉女，都戥佢開心。」
無意傳教
蔡加敏與夫婿馬鴻銘昨日帶同囡囡到深圳。
問到Ada 會否向倪震傳教，她說：「佢都唔係我朋友，雖然身為基督教徒係有義務傳教，乜嘢身份地位都會傳，不過唔係我想傳就得。」Ada 昨日剪綵獲六位數字酬勞，更可在店內挑一個Herm
s 手袋作禮物，她笑說：「都唔好意思，不過可能都會揀埋honey 嘅聖誕禮物，我哋重心意多過重牌子。」其舊愛劉鑾雄（大劉）十分愛Herm
s 手袋，問到大劉有否送過給她時，Ada 即顯得有點不悅，說：「送畀你？乜你哋問埋啲咁奇怪嘅問題，冇收過。」此外，蔡加敏昨日與夫婿帶同囡囡Chelsi 到場，更帶囡囡到她新投資的遊樂園玩掟公仔，她說：「啲公仔係我設計，個女畀咗唔少靈感我，今日雙喜臨門，除咗開新舖，爹哋都拉頭馬。」採訪、攝影：葉雪
蔡少芬在深圳擔任剪綵嘉賓時，多次強調倪震不是其朋友。
