韓國性感天后 拍照當日雖然天氣轉冷，但喺得咁少嘅蔡妍都冇詐型，擺起呢類性感甫士仲相當熟手。被喻為「韓國麥當娜」嘅韓國性感天后蔡妍，憑住樣靚身材正嘅性感形象迷倒唔少fans ，最近佢仲簽埋香港經理人諗住殺入香港市場，周日（14日）更來港為《勁歌金曲優秀選》做嘉賓。不過樹大招風，蔡妍走紅後成為網友嘅攻擊目標，網上有唔少指控蔡妍整容嘅消息，搵埋佢15歲個學生樣出嚟對比，仲話佢曾經在韓國公開承認自己係人工美女。
蔡妍接受本刊專訪時，對於整容傳聞強調清者自清唔會多解釋，仲話從來冇認過整容。
Profile ：原名：李珍淑
藝名：蔡妍（Chae Yeon ）
出生日期：1978年12月10日
出生地點：首爾
身高：165cm
體重：47kg
學歷：首爾藝術大學廣播藝術專業
嗜好：拍照、看電視、打機
15歲豆豉眼大細超呢張據講是蔡妍15歲所拍的照片，被指是她整容的鐵證，佢對豆豉眼再加平面方角闊面，同依家真係有好大分別。
02年蔡妍在日本推出首本寫真集《Peace of mind 》，當中有不少性感照，呢張以按摩為題的半裸照令人想入非非。雖然被抨擊個樣似曾整容，但蔡妍豐滿嘅身材珍珠都冇咁真。
蔡妍在韓國已是天后級人馬，對於開拓香港及內地市場，她信心十足說：「我希望盡快在香港紅館開演唱會。」
現年30歲的蔡妍，00年入行後被經理人公司安排到日本發展，三年後回流韓國推出首張韓文專輯，憑性感狂野舞姿演繹歌曲〈兩個人〉熱爆韓國樂壇，奠定韓國性感天后地位。
蔡妍向來不吝嗇身材，先在02年在日本發行首本寫真集《Peace of mind 》，當中大玩內衣及校服誘惑，到今年3月在韓國推出手機下載寫真，亦繼續騷胸大晒長腿。以樣靚身材正作賣點，出身自整容「強國」的蔡妍，自然被聯想到曾經後天加工，更有網上消息指她曾在韓國公開承認整容。
對於整容這個敏感話題，蔡妍在日本發展時曾上電視節目作出否認，今年進軍內地市場的她，3月在武漢宣傳時就拒絕回應有關傳聞。早前蔡妍接受本刊專訪時，被問到曾在韓國承認整容一事，她說：「其實經理人公司唔想我答有關嘅問題，但我覺得冇所謂，因為呢樣嘢好見仁見智，我從來冇認過整容。」可是記者在網上發現一些蔡妍的童年及少女照，跟現在的樣子確實相差甚遠。
堅持三點不露唔講整容講身材，蔡妍變得有問必答，還坦言自己現在過肥，「去年休息咗一排肥咗好多，加上之前去內地宣傳唔適應當地天氣，飛嚟飛去，搞到依家影相要遮住隻手臂，希望嚟緊可以節食同做運動減肥啦！」雖然以性感掛帥，但蔡妍強調絕對不會作露點演出，「其實我嘅性感主要係歌曲同舞蹈配合出嚟嘅形象，感覺係健康嘅，要露點大膽嘅演出，我唔會考慮。」現時蔡妍正努力學國語，未來一年將參與內地劇集及電影的演出。
蔡妍話最想同星爺周星馳合作，如果星爺邀請合作嘅話，蔡妍嘅性感底線會唔會有所改變呢？
蔡妍周日（12月14日）為《勁歌金曲優秀選第三回2008》做嘉賓，打頭陣載歌載舞。之後蔡妍獻唱她第一首國語歌〈愛人〉，其實她剛開始學國語，唱國語歌只是「唸口簧」。
插鼻
彈鼻
力證堅料01年蔡妍在日本發展時，就整容傳聞曾接受電視台訪問時，試過用筆和線來整自己個鼻，證明真係冇經過人工修飾，但係最大分別的電眼就完全冇驗證過囉！
