郭富城和楊采妮這對電影《父子》拍檔前晚往金鐘出席時裝雜誌舉辦的頒獎禮，問他們聖誕佳節如何度過，會否與另一半二人世界？城城說：「不嬲工作都係第一位，會同屋企人食飯，有乜節目都係同屋企人食飯。」
會畀意見
問城城有指《葉問》導演葉偉信有意找他在續集飾演李小龍，他說：「暫時未知，有人欣賞係好事，不過出年檔期好密，手頭有幾個劇本要拍，李小龍係大家偶像，如果要做，要做足準備工夫。」問城城若然接拍《葉問2》，會否考慮到要與緋聞女友熊黛林合作？他說：「冇諗咁多，工作還工作，唔使諗得咁複雜。」他又謂會與友人睇《葉問》，他透露熊黛林未有送飛：「會睇佢演出，朋友當然要鼓勵吓，會用自己嘅經驗畀意見，好定唔好都會話畀佢聽，如果唔講即係唔幫佢，自己都歡迎身邊意見，見到唔好唔講，等於害你。」採訪：羅慧敏攝影：陳志嵐
城城揚言一定會睇緋聞女友熊黛林擔任女主角的《葉問》。
