偽情13日之全城起哄倪震背女友周慧敏偷食後受盡千夫所指，但昨日出現戲劇性發展，倪震突然宣佈與周慧敏結婚，令圈中人大感荒誕離奇，自爆曾被倪震媾過的Freeze 更是毫不留情：「誠心祝福周慧敏，但詛咒倪震！」蕭若元昨日則稱倪、周感情發展太反覆及不成熟。
倪震不忠有罪，偷啜城大女學生張茆而斷送周慧敏的19年情，自認中坑之齡孔雀開屏的倪震昨忽然轉軚，改與周慧敏修好結婚，過程峯迴路轉。大多圈中人昨聞訊後既驚訝又驚嚇，當中大部份認為其結婚舉動太神化，不過是後知後覺的補鑊行動，而曾自爆倪震5年前在網上約遊船河的Freeze ，昨對倪、周結婚回應說：「太突然啦。」
「希望佢good luck 」
倪震掟完周慧敏又玩結婚，是真心、兒戲抑或恨出風頭？資料圖片
Freeze 說：「如果佢哋真係結婚，我哋願意免費表演，希望佢知錯能改，唔好再喺facebook 亂add 人，唔好網上亂交友，收斂啲。畀著我男朋友犯錯，我會即刻拜拜，佢話結婚我會好驚。」Freeze 續說：「周慧敏唔係女人嚟㗎，佢係神，EQ 奇高，有咁強嘅忍讓力。希望周慧敏愛自己多啲，唔好睇得太重，希望佢good luck ，我哋誠心祝福佢，但又詛咒倪震，佢要好好珍惜，如果唔係睇住嚟
倪震，我哋唔知點癲法㗎。」曾被倪震狂追的雨僑(羽翹)則說：「有馬來西亞人認錯我係張茆，搞到亂晒龍，我好驚唔想做佢，佢咁open ，點可以同一個有女朋友嘅男人咁樣。」日前踢爆倪震媾過周慧敏和舊愛李嘉欣老友的蕭若元及兒子蕭定一，對倪、周結婚均有保留，蕭若元昨在電話中說：「我噚晚喺電台度都講咗倪震會同周慧敏結婚，呢個係佢其中一步，觀眾會原諒佢。」
蕭若元：賣弄小聰明
Freeze 聞悉周慧敏結婚揚言送上祝福，但會詛咒倪震。資料圖片
倪、周由分手到結婚過程快如閃電，蕭若元說：「太反覆，太唔成熟，搞唔好會慢慢扭曲，會一步一步錯落去，希望有情人終成眷屬。」蕭定一則說：「浪子回頭金不換，結婚係唯一解決問題嘅方法，可以挽救聲譽。」其實蕭氏父子前晚已各自在網上電台開咪向倪震發炮，蕭若元稱之前發表倪震年近半百一事無成的言論後，很多人指他對倪震造成重大傷害，蕭若元笑謂：「對佢自尊心徹底摧毀
嘛，佢係自視極高怕失敗嘅人，呢個係佢唔做嘢嘅原因，點知唔做嘢都會失敗。」蕭若元又批評倪震浪費才華、行錯棋，倪震大可以跟周慧敏結婚，可是他表現不誠懇，只賣弄小聰明。
蕭定一：係花招
蕭定一則在網上電台說：「倪震做周刊專訪係想有慘位，個人意見係花招，佢係咪應該有個long term 嘅commitment ，對女仔承擔呢？」其拍檔袁彌明也在節目中大爆倪震媾女史，指她一名男友人數年前拍拖時，倪震曾媾他的豬扒女友，可見倪震品味如何，袁彌明還說：「啲人覺得周慧敏影衰女人，幫倪震講說話冇腦㗎，咁多年仲繼續啞忍。」記者昨致電袁彌明，她對倪震結婚語氣無奈：「佢應該早啲諗到呢步啦，我覺得女仔唔好俾男仔覺得打風都打唔甩，咁男仔就會身痕。」採訪：李全
全城熱話姚樂碧：
咗周慧敏
倪震和周慧敏昨日突然戲劇性宣佈結婚，不單令全城嘩然，就連不少圈中人也紛紛對婚訊表示驚訝。
姚樂碧：唔知搞邊科
「由頭到尾諗過佢哋唔係分手，所以佢哋註冊結婚都唔意外，復合係意料中事，唔知倪震搞邊科，不過冇辦法，一個願打，一個願捱。以我嚟睇，個女仔質素高過男仔好多，不過世界就係唔完美，不過佢（指周）deserve better than that ，
咗啲。」
蔡瀾：日日係驚喜
「係咩？冇問題啊，咁結咗婚以後小心啲啦！倪匡同金庸喺日本，未知佢知道後有幾開心，不過倪匡覺得結唔結婚冇所謂，最緊要有個孫畀佢抱。做香港人真係好，變化日日都有，分分鐘都係驚喜。」
查小欣：女方中降頭
「我打咗畀倪震恭喜佢，周慧敏將來條路一啲都唔難行，因為有你哋睇住，男方仲點敢亂郁，不過換著我唔會等20年，女方中咗降頭咁，所以大家要欣賞佢癡情，呢個世間好難搵。」
傅穎：係好愛對方
「聽到好愕然，不過都戥佢哋開心，我會SMS 祝賀倪震。如果佢請我會去飲，終於都開花結果，我覺得佢哋都係好愛對方同包容對方。」
曾志偉：即係有承諾
「下晝有內地記者打嚟問我，仲以為佢喺度玩，我仲話佢黐線，岩岩先分手，但我收線就有人話我知係真，真係人生如戲。（替唔替Vivian 擔心？）結婚即係有承諾，我諗佢考慮清楚。」
馬詩慧：怕酒樓執笠
「係咪結先？結咗唔代表唔會再出去玩，根本成件事每日都有好多疑點，偷食一、兩次就話可以忍啫，我諗周慧敏嘅容忍度同EQ 都好高，佢哋結婚可能想振興經濟，等啲酒樓唔使執笠。」
羅霖：唔識欣賞佢
「佢哋結婚？咁都得？我真係唔識欣賞呢個人（倪震），女人搵男友嘅條件係有責任心，有人揀靚仔、有錢、內涵，不過佢好似全部都冇，周慧敏嘅包容世間少有，可以做恐龍，絕晒種。」
周慧敏原諒倪震不忠後還答應結婚，其獨特想法令不少圈中人啞口無言。
