譚凱琪（Zoie ）主持飲食旅遊節目資歷尚淺，所以她不停搲料增值，最愛看蔡瀾、蘇施黃和黃麗梅幾位前輩主持的節目偷師。體形纖瘦的她，更因為可以四出品嚐美食而增磅。
譚凱琪（Zoie ）近期主力為有線娛樂台主持飲食旅遊節目，她表示這個任務正是她最大興趣，所以做起來份外投入。
蔡瀾細味人生道理
早前Zoie 主持有線旅遊飲食節目，在馬爾代夫的水底餐廳進餐。資料圖片
同行如敵國，Zoie 主持飲食旅遊節目經驗尚淺，她平時也有參考其他電視台的節目，實行知己知彼，百戰百勝。Zoie 說：「我好鍾意睇蔡瀾、蘇施黃同黃麗梅嘅節目，佢哋有唔同風格，各有特色。蔡瀾會一邊講飲食，一邊講人生道理，可以令我學到好多嘢。我就好欣賞蘇施黃食好多美食，有時佢雖然好挑剔，但好有資格做批評。至於黃麗梅就由食材開始逐一介紹，畀觀眾多啲飲食文化嘅資訊。」每次出埠拍外景，Zoie 的胃口特別大，身形纖瘦的她非常食得，她說：「我一餐可以食三碗飯，不過我只食正餐，唔食零食。我體重一直好少過100磅，過到都一定好好慶祝，做咗飲食節目都肥咗少少。」
著高跟鞋撐起自信
Zoie 雖然身形纖瘦，但難得有靚膊頭，穿上露肩裝，大賣性感鎖骨。
除了為食外，Zoie 也直認是個天生購物狂，最情迷高跟鞋，她說：「我覺得女仔點都要識著高踭鞋，咁樣先可散發女人味，行出嚟零舍婀娜多姿。」Zoie 自爆童年非常貪靚，最愛偷媽咪的高跟鞋在家中走來走去扮大人，她說：「一著高踭鞋就覺得自己變得大個女，好有自信。」現在Zoie 家中共有近50對高跟鞋珍藏，用來配襯不同服裝。採訪：比華利 攝影：葉君海化妝：Kathy L.（Ciao Bella ）
嬌小玲瓏的Zoie ，無論怎樣大吃大喝，體重都不超過100磅，羨煞旁人。
