日前有傳陳秀雯孭前夫欠債兼失婚，已經52歲嘅佢要坎坷復出，噚日凌晨陳秀雯喺微博連發兩段留言反擊：「平白無事，怎麼年前舊聞，加上與事實不附（符）的胡說八道發表，又被挖起來變成頭條？又一次未夠智慧去了解這等複雜事情……放下了。」
陳秀雯話喺屋企都冇安全感，唔知有冇鏡頭匿埋偷影：「生活不應該是這樣子的，喜歡穿着牛仔褲不化妝滿街跑不成嗎？」
譚凱琪跳槽為拍劇
前有線主播譚凱琪（Zoie）早前離開効力六年的舊公司，轉投無綫，她自言跳槽決定帶點任性：「唔係舊公司唔好，係我想求變，喺有線6年，事業好似到咗樽頸位，因為我鍾意演戲，想趁有機會去試吓。多謝有線喺我無助時畀好多機會我，做旅遊節目係優差，好多開心回憶。辭職用咗好大勇氣，冇人會知將來點，但人生充滿轉變，我想還自己心願，就當我任性啦！」
譚凱琪
醉心演戲的Zoie盼望能跟視帝及影后結劇緣，她說：「我希望入TVB後Keep住有劇拍，我都拍過戲，但經驗少。（唔再主持旅遊節目？）時間許可會做，始終想多啲拍劇，演戲仲係摸索中，有機會想喺視帝黎耀祥身上偷師，又想同羅蘭姐合作。」
髮型：David Ko @ HH
