金融海嘯後，企業裁員新聞無日無之，雖然話冇嘢做可以去讀書，但唔係人人都有咁嘅條件，全球人才管理解決方案供應商、美國上市公司Korn/Ferry ，就為希望盡快脫離失業大軍嘅高級管理層一族提供搵工貼士。佢哋認為最重要嘅係，離職後應盡快起步搵工，運用一切資源，包括自己嘅人事網絡，同網上資源（例如LinkedIn 、Classmates.com 或Facebook 呢啲社交專業網站）搵機會。
臨時工都做住先
佢哋仲話唔好咁揀擇，即使係臨時工、freelance 或諮詢崗位都要考慮，唔好嫌地點遠、職位低、人工奀。咦，乜聽落咁似歌神許冠傑首歌《搵嘢做》入面，「日日攤喺屋企等米路」嘅莫大毛嘅？仲要保持機敏，時刻掌握你所在行業嘅最新資訊、技術同趨勢，最緊要保持身心健康，咪未搵到工先冧檔。咁又係，成個病君咁，執金都慢過人啦。
許冠傑都有唱「
聲即刻走去搵嘢做」。 資料圖片
