新碟《Circus 》撼低hip hop 潮人Kanye West 等歌手，Britney 今次繼續小甜甜形象，表面上同當年初出道冇大分別，但一諗到佢上年嘅喪行就好難再當佢係玉女喎！
曾經俾𡃁界當女神咁拜的Britney Spears ，經過接近兩年的癲喪生活，今年終於洗心革面強勢回歸。
今個月2號便27歲生日的Britney 於當日推出新大碟《Circus 》，首日即大賣廿幾萬張，單曲〈Womanizer 〉更奇跡地在一週內由第96位跳升至榜首，成為美國Billboard 第1位，記住，佢對上一隻冠軍歌已經係10年前的〈……Baby OneMore Time 〉，真係後生少少都唔識。
原來Britney 之所以肯蕩女回頭，唔係因為忽然清醒，只因兩年來冇乜嘢撈又要
起兩個囝囝每年近四百萬港元贍養費，仲要十足柏芝咁養起成頭家。改邪歸正背後，其實都係錢作怪！
雖然Britney 嘅私生活係唔好，不過佢真係一個好好嘅performer ，我好支持佢復出㗎！
細細個已經當Britney Spears 係超級偶像的欣宜，曾經表演Britney 名作〈Oops ！I Did It Again 〉，今次Britney 出新碟，欣宜話一定會買碟支持。試過醉駕、剃光頭、當街露點、喺酒店泳池兜搭陌生男人同嫁狗仔隊中坑後，兩年來過住沉淪放蕩生活的Britney Spears 事業直插谷底，冇乜嘢撈之餘更癲到連兩個仔的撫養權都被前夫搶埋，每年要畀差唔多四百萬港幣贍養費，所以去到08年尾，唔想繼續食老本的Britney 終於復出撲水，兼修補形象做個好媽媽。
咪嘴hea 跳新碟《Circus 》繼續走番初出道時玉女路線的Britney ，為打響復出頭炮，盡地一鋪積極修身為新歌〈Womanizer 〉全裸拍MV ，令MV 於YouTube 點擊率高達2千幾萬！Britney 又宣布下年會去勻英美同歐洲巡迴演唱，搞到全世界相信天后真係返回正軌。
以為有奇跡，點知美國傳媒狂插Britney 根本不在狀態，上週二現場唱新歌〈Circus〉時咪嘴不特止，跳舞又勁求其，其中一下踢腿動作仲連心口都踢唔過，事後接受訪問時淨係識講「Thank You 」，冇晒跳舞天后風範！
未癲夠表現失色，Britney 的精神亦唔穩定。早前幫美國MTV 台拍攝90分鐘真人騷節目《Britney ：For The Record》時，Britney 唔單只俾鏡頭影到佢不時望天發呆，對住班fans 都唔識反應，而且極之情緒化，呢秒講緊笑，下秒突然崩潰大喊：「我當時（癲喪期間）唔知自己做緊咩，我好寂寞好唔開心，就算唔可以重新發展我嘅事業，我都想有新嘅人生！」
連自己都唔睇好可以翻hit 的Britney ，不如向曾經迷失但信主重生的天后Sammi 學吓嘢啦！
㩒住嚟抽Britney Spears 復出，有人期待但亦有人柴台，圈內更有唔少人借Britney 個名抽水博宣傳，話晒Britney 曾經係一代小天后，就算過咗氣都仲有利用價值！
Take That 踩垃圾同Britney 同期出碟、兼且連隻碟都撞埋名叫《Circus 》的英國樂隊Take That ，主音Gary Barlow同成員Howard Donald 乘機踩Britney 博宣傳，大鬧Britney 過晒氣：「BritneySpears 上節目X-Factor 時咪嘴，仲差過班參賽者！佢以前係好正，但新歌完全唔掂，佢根本就唔值得咁出名，我覺得而家嘅佢簡直係垃圾！」
前夫Kevin 繼續爆06年同Britney 離婚的Rapper Kevin Federline 為挽救跌落谷底的跳舞事業，趁前妻出新碟時向傳媒大爆Britney 以前的癲喪行為，又話自己係好爸爸，乘機洗底扮好男人：「佢當年試過鎖住自己同仔仔Jayden
廁所成晚，嗰晚係我人生其中一個最低點，雖然我哋離咗婚，但我其實仲好關心佢！」
