倪震「偷食」與艷女濕吻斷正，其女友周慧敏昨日未有表態，而兩人身邊好友都期望他們可度過今次風波，雨過天青。身為倪匡和倪震好友的白韻琴，昨日在電話中指今次事件很輕微，她說：「邊個才子唔風流？好小事啫，過件事之後佢（倪震）都立即返屋企。20年感情會經得起風風雨雨，而家只係8號風球，都未到10號，我信好快會落波，冇事嘅。」Vivian 好友傅明憲也說：「佢哋拍咗拖咁耐，經歷咁多風雨，希望佢哋和好如初。」
古巨基感愕然
與周慧敏甚老友的基仔，對倪震偷食感到意外和愕然。
古巨基昨日出席商台記者會，他也從朋友口中得知倪震偷食一事，他強調與倪震和周慧敏都是好朋友立場。至於會否協助兩人維繫感情，基仔說：「畀啲時間等佢哋溝通，我印象中嘅倪震最多喺桌球室打波，佢都有飲少少啤酒，但係就從來都冇見過佢醉。」問到是否擔心兩人分手，基仔就強調他們需時間去討論，大家也應該給兩人空間，他表示工作完畢後會致電慰問周慧敏，不過他承認今次事件令他好意外及愕然。曾和倪震傳緋聞的陳穎妍在電話中說：「我冇睇報道，唔回應人哋嘅事，我同倪震當日只係朋友，已經冇聯絡好耐。」同樣曾經和倪震傳過緋聞的姚樂碧則說：「我都佢好耐冇聯絡，自己冇睇雜誌，亦都唔知發生乜事，所以唔方便評論。」採訪：林妃、駱華齡
白韻琴笑稱倪震偷食是小事。資料圖片
