樂壇頒獎禮尚未開始已是非多多，金牌大風已決定杯葛新城頒獎禮，前晚一眾金牌大風歌手包括古巨基、鄧麗欣及吳雨霏等到香港教育學院表演，眾人異口同聲表示會聽從公司決定，身為一哥的基仔不願多談，吳雨霏更坦言寧願留時間搵錢。
首張樂壇成績表「新城勁爆頒獎禮2008」將於本月26號舉行，但有傳因金牌大風不滿旗下一哥古巨基將再度敗給宿敵陳奕迅，因此揸弗人黃柏高（Paco ）決定杯葛新城，全體歌手將缺席頒獎禮。前晚基仔率領金牌歌手如鄧麗欣（Stephy ）、吳雨霏（Kary ）、小肥及唐素琪等，到香港教育學院演出「有『營』音樂會」，由於戶外演出天氣頗涼，Stephy 和Kary 都以單薄衣著上台，難怪不時凍到騰騰震。
基仔不願多談
古巨基（右）前晚和其他嘉賓一起放紙炮時表現雀躍。
問到基仔之前出言明寸新城，他擺明不願多談說：「唔係，不過我對過件事唔答，留番畀Paco 講。」基仔表示日前返內地演出，怎料被一名女fans 衝上前攬著他錫了面頰一啖，基仔坦言當時被嚇了一跳，但他強裝鎮定及露出傻笑，基仔笑說：「如果我當時縮一縮可能會錫到個嘴。」Kary 也表示尊重公司決定，相信公司的決定都是為歌手好，Kary 直說：「我而家大個，對獎隨心，最緊要搵到錢就得。」問到是否搵錢比獎項重要？Kary 直說：「呢個點都實際啲，獎項就係推動力，不過冇都唔會唔開心。」Kary 表示不擔心影響曝光率，相信公司宣傳很足夠，她笑言或者稍後公司會和新城「傾掂數」。
Stephy 唔睇重
鄧麗欣很喜歡做校園騷，難怪她在台上經常向台下學生揮手。
Stephy 對於公司杯葛新城頒獎禮一事說：「我都有問過公司點，上年都冇去，總之公司決定唔去就聽公司話，我唔擔心會影響自己成績，一向我睇獎都唔重，我嘅成績大家自然會睇到。」採訪、攝影：藍嵐
Kary 在清涼的天氣下衣衫單薄，故此要不時跳舞保持身體溫暖。
