行運樣
除咗大擺cute 樣之外，楊丞琳臨落台前仲同粉絲講：「我愛你！」真係
晒。
可愛教主楊丞琳，最近憑收視冠軍台劇《不良笑花》帶挈，加上新碟《半熟宣言》大賣，人氣再高飛。有人紅到上天，亦有人跌到谷底，G 奶天后蔡依林就被楊教主追住嚟砌！早前G 奶已因爛面愁爆，而與唱片公司合約問題未明，連新出英文唱片都零宣傳曝光，最慘連麥當勞廣告亦被楊丞琳搶埋，Channel V 上週六的年度大騷亦蒸發。趕絕G 奶，楊丞琳爭入天后宮，入場鐵票穩贏！
殘霉樣
備受合約困擾都唔緊要，女人最緊要塊面，今年8月Jolin 出席記者會時，被發現爛面出紅斑，佢解釋係因為同隻狗玩得太埋而敏感喎！台灣《蘋果日報》圖片
爆劇
呢個就係楊丞琳喺《不良笑花》嘅造型，劇入面佢飾演台灣俗女喎！俗女意思係指喺衫冇taste 嘅女仔喎！不過套劇一樣照爆！
上週六（29日），Channel V 大堆頭的《V Power 愛音樂演唱會》，雖則不是頒獎禮，但有份列陣的都是人氣指標，騷前個個爭崩頭。「個騷係麥當勞贊助，事前麥記只要求有王力宏、小豬同楊丞琳，因為佢哋係代言人，其他歌星就經Channel V 約，除咗大牌嗰幾位，好多人都自動舉手要做。」知情人士說。
上年小豬羅志祥、蔡依林一齊做麥當勞代言人，今年小豬
莊，蔡依林就飛出局，由楊丞琳頂上。台灣《壹週刊》圖片
有蠶蟲師爺之稱嘅陳澤杉，雖傳搞到呂麗君一鑊粥，不過蔡依林就一於少理，聽晒陳澤杉話，聽聞完咗EMI 份約即刻跟佢去華納。台灣《壹週刊》圖片
平價搶job事實上，今年台灣麥當勞廣告，由以往小豬孖住蔡依林，變成由楊丞琳頂上，除價錢平過天后級G 奶外，寧買當頭起也屬主因，連帶關係，搶完CM ，音樂會亦硬霸。
Jolin 人氣急跌，主因是她已落實不會續約金牌大風，有傳她下年3月完約之後，會跟隨其恩師，即有傳為大劉女友呂麗君獻計的蠶蟲師爺陳澤杉跳槽至華納。合約未搞掂工作亦全面急停，Jolin 對上一次公開演出已是11月頭在澳門威尼斯人表演。
自己友
成個騷嘅人都喺到黑媽媽，惟獨Channel V 自己友棒棒堂、黑Girl ，就喺得sharp 好多，美眉仲大晒長腿，男粉絲睇得最high 係呢一part ！
指定要
今年大會贊助商麥當勞，就講明表演嘉賓一定要有其代言人王力宏、羅志祥、楊丞琳。其他人任channel V 揀喎，不過都冇Jolin 份真係慘！
Jolin 雖然今年out 出局，不過佢緋聞男友小豬羅志祥就有份，仲要係唱壓軸嗰個。
豬頭骨
據知情人士透露，Channel V 好想蕭敬騰出席，不過華納方面講價要畀埋方大同上台先有得傾喎。方大同當晚有份，即係傾掂數啦，不過就做咗豬頭骨囉！
粉絲過戶G 奶受合約困擾靜晒，反益新貴楊丞琳，齒贏G 奶自然得戚，上週六在音樂會上，她心情靚爆，一出場即以《不良笑花》蔣小花口吻同觀眾講：「你好嗎？」，然後一連唱足3首hit 歌。記者更發現場內場後不少楊丞琳粉絲，是由G 奶堆過檔，「本來是Jolin （蔡依林）的粉絲，但她這一年沒生產，剛出的英文碟也不太好聽，所以現在支持楊丞琳，估不到她唱現場那麼好！」殺到埋身喇，乜都搶呀！G 奶諗計啦！
至hit 台星榜台灣偶像人氣，好受劇集收視影響，套劇hit 連帶主角都紅埋，不過好似楊丞琳咁，套劇《不良笑花》收視稱霸，新碟《半熟宣言》又擊敗五月天嗱冠軍，呢輪女星最紅一定係佢！
No.1楊丞琳
劇集《不良笑花》收視稱霸，新碟《半熟宣言》又賣得，人氣爆燈。
No.2林依晨
新劇《我的億萬麵包》一播即刻威脅到《不良笑花》收視。
No.3陳喬恩
近排忙於大陸拍《守著陽光，守著你》，冇劇上，人氣稍跌。
No.4郭采潔
主演嘅新劇《無敵珊寶妹》憑珊寶妹一角上位。
No.5王心凌
近年少拍電視劇，主攻電影，新作有《花吃了那女孩》9月上。
女子組
No.1羅志祥
剛播完《籃球火》，新碟《Best Show 》又熱賣，人氣持續。
No.2阮經天
忙緊拍《敗犬女王》，早前推出過寫真集。
No.3鄭元暢
新劇《我的億萬麵包》同《不良笑花》爭第一。
No.4范逸臣
一套《海角七號》，贏盡台灣票房，令范逸臣谷底反彈。
No.5潘瑋柏
《不良笑花》劇中做stylist 甚為搞笑，大受歡迎。
男子組男子組同樣受劇集影響，阮經天冇劇上，自然聲勢稍跌，雖然小豬而家都冇劇，但佢主演嘅《籃球火》只係岩岩播完，新碟《Best Show 》亦熱賣中。所以暫時領先！
