Linda Chung 深藍色喱士邊corset dress $7,980J Concept Lounge 綠色閃石金色手鏈$2,590Mawi from Shine
我相信進化論，因為人類的思考行為模式，確實需要很長很長的時間才會改變。
比如幾十年前興起的豪門肥皂劇，劇本至今一成不變：大家族務必家規森嚴，忤逆搞亂檔，從來沒有好下場。
看官繼續睇得咬牙切齒，皆因現實也一樣。
鍾嘉欣，根正苗紅的得寵親生女，早已明白生存之道。「記者見到我都話『好鬼悶』，然後掉頭走。」
與其話今時今日的她，可以懶理記者感受，不如說是「前車可鑑」。自言入行四年，見過當紅花旦人氣插水，想留低，不求有功但求無過，冇人寫等於好新聞。講到尾，最大本錢就是清白之身。
可以想像，她對自己的星途，會是如何信心爆棚。「雖然我唔可以估到自己有幾大成就，但就好肯定，絕對冇可能去到（人氣插水）呢個位！」
ProfileLinda Chung 鍾嘉欣
出生日期：1984年4月9日（白羊座）
出生地：加拿大溫哥華
身高：5呎8吋
體重：115磅
語言：廣東話、普通話及英語。
學歷：加拿大英屬哥倫比亞大學教育學院二年級
簡歷：03年讀大學時贏得溫哥華華裔小姐冠軍及最上鏡小姐。04年參加國際華裔小姐競選奪冠後，成為電視藝員。06年奪《萬千星輝頒獎典禮》飛躍進步女藝員。08年推出首張個人唱片。
主要作品：（電影）《十分愛》（2007）；（電視劇）《皆大歡喜》（2004）、《溏心風暴》（2007）、《金石良緣》（2008）；（唱片）《1人晚餐。2人世界》（2008）；（廣告）Bio-Essence 皮膚護理（2008）。
網誌：
http://blog.tvb.com/lindachung/
1987自小在加拿大長大，故入行後很不習慣娛樂圈複雜的人事關係。
2002高中畢業還拿喺毛公仔拍照，便知嘉欣是溫室花朵。
200420歲就連奪溫哥華華裔小姐冠軍及國際華裔小姐冠軍，威晒。《蘋果日報》圖片
2005身高比例均稱之餘，身材亦有睇頭，故常獲邀行泳衣騷。《蘋果日報》圖片
History
孤獨是真的，「好鬼悶」是眾行家對鍾嘉欣的共識。她形容，自己的日常生活不只淡如開水，入行頭三年，更自封「孤獨精」。
溫哥華長大，習慣鬼仔鬼妹直腸直肚，娛樂圈是非地，少講少錯無非想自保。「我係今年至開始『識做人』，因為一直唔理解香港人的溝通文化。表面上讚你靚、表現得好，原來根本係兜個大圈踩你。」
隻身赴港，身邊冇親戚朋友，試過嗱起電話想搵人呻，電話簿幾百個人名，都找不到傾訴對象。
「前年年初一開工，望住化妝間塊鏡，喊到眼腫。」
Linda Chung
紫紅色皺褶晚裝長裙$7,750
BCBGMAXAZRIA
粉紅併銀色珠片高踭鞋$5,300
Miu Miu from On Pedder
白色搪瓷併紫色水晶手
$7,295
Roberto Cavalli
金色金屬羽毛吊飾耳環stylist's own
真心既然立心留港發展，一味思鄉不是辦法，去年終於突然諗通。「以前就算撬開我把口都冇嘢講，依家學識同人傾計；遇到惡意的說話，最多左耳入，右耳出。」
四年下來，娛樂圈終於有知己。「同楊思琦最老友，因為佢最真。」說到「真」字時，雙眼刻意地瞪了一下。
有朋友，事業又繼續向好，圈中生活會比之前開心嗎？又未見得，事關鍾嘉欣是典型的完美主義者。唔想衰，人之常情，但怕到不停宣之於口，的確少見。「唔衰得」、「咁就好冇面」、「咁咪好瘀」，是她在訪問中，出現得最多的說話，而且一邊講一邊皺眉。
Giorgio Armani beauty Maestro 4Eye Desiging Colors #4$390
ME!LOOK
Synni TamMakeup Artist
「平日嘉欣出event 、拍劇，我會幫她化nude 妝，用粉紅色胭脂和淺啡色眼影令精神飽滿些。今次改用冬季大熱的灰色眼影，跟過往smokyeyes 不同是眼尾尖尖地戚起，眼蓋中間則加銀白色，輪廓顯得更立體。為了增加華麗感，眉骨還掃了些微閃的光影粉，成個樣sharp 好多。」
好瘀自言家境OK ，讀書成績不俗，選美嗱過冠軍，入行之後機會不斷，剛剛出唱片，仲可以出第二版，至今一帆風順；正是從來未跌過，才最怕挫折。「至今仲未有滿意的演出，好多人覺得《溏心風暴》算是我的代表作，自己反而覺得演得太造作，反而初入行拍《搜神傳》，雖然冇乜演技，但夠自然。
「事事做到最好，因為恨嗱獎，又怕衰！但好多嘢不由自己控制，希望終會輪到自己。除此，仲因為要向屋企人交代，父母成日收到親戚朋友電話，最怕佢哋問長問短，一陣又話『你個女唱歌走音喎！』咁咪好瘀！我明白，做TVB 要周身刀張張利，俾兩年時間我，一定會比依家好。」
