踏入冬季，最好就是食刺身！三文魚、劍魚這時節更特別肥美。刺身肥美但荷包瘦，碰巧金融海嘯，唔少人慳住使慳住食，生意難做，好多日菜餐廳惟有來個大減價，只求有客，有刺身、定食等，食飽飽都只係三、四十蚊咋！
記者：周靜雯
攝影：伍慶泉
肥刺身做配菜
開業差不多一年的「篁」，主打懷石料理，更首創「全魚宴」而打穩陣腳。近期就推出多款特價套餐，抵食程度令人難以置信。以午市定食為例，套餐包括兩件刺身、兩件壽司、8款任選其一主菜及特飲，只售$33！就算加埋一，都係40蚊有找。小記聽後不禁問老闆有冇錢賺，負責人Scott 表示：「係冇錢賺 ，但為了答謝一班熟客，就決定做呢個優惠，到1月4日就無啦！」原來唔係抗海嘯價，但想食就真係要快手啦！不過海嘯 擊，生意難免有影響，但優惠推出後，周末及日都多了新客幫襯，總算填補平日減少的生意額。
價格調低，食材質素會否下降？Scott 說，餐廳的來貨全都源自日本，而三文魚則是一級的挪威三文，肉厚而脂肪多；單是拉 ，都會根據不同煮法而選用不同 種，如湯煮會比鐵板炒的拉 較粗身， 拌又會有另一種選擇；就算是壽司蛋，Scott 都要求自家製，務求保持質素。對食材咁嚴謹，烹調上當然也會下工夫。就算係午市特價套餐，都係即叫即整，好似當日點的「串燒篁炒 」，就是師傅即時炮製，絕非只用鐵板抖兩抖翻熱就算。
■雖然是配菜，但絕不馬虎，肥大肉厚的三文魚，加上特製壽司，令套餐更抵食。
■主菜串燒篁炒 中有兩串串燒，是有「柯打」才即煮，午市時特別受歡迎。
■篁牌拉 ，湯底是由Scott 調配，清湯上加入豆瓣醬，辣辣 更惹味。
■唔少客人都是附近寫字樓的上班族，這 亦有露台座位。
■有落單便即炒，師傅先炒配菜再到拉 ，手法純熟，熱騰騰且香味撲鼻。
■由於做開懷石料理，故餐廳的裝修都很有格調，坐得也舒服。
篁日本料理（28348328）
灣仔皇后大道東202號QRE Plaza 5樓
午市優惠套餐$33（加一服務費）
供應時間：星期一至五（11am-12:30pm 、2pm-6pm ）；星期六、日（12nn-6pm ）
$38豪食10壽司
■$38壽司定食（供應時間：11am-5:30pm ）
消費意欲大減，很多大型餐廳更大呼生意難做，但一些細舖食肆反而增加一班新客。灣仔的「魚一心」，主打刺身、壽司，舖面較細，租金壓力也較低。總廚Keith 表示，現在大部份食肆都是靠午市來維持舖頭營運，難怪越來越多餐廳用午市優惠去吸引人客。好似該店的「$38壽司定食」，有差不多廿款選擇，三文魚、玻璃蝦等任揀10件，配 豉湯或飲品，大件抵食。難怪午市會出現排隊，有唔少OL 鍾意叫外賣 ！
唔好以為舖頭細細無正貨，大部份食材都來自日本，三文魚是來自挪威。Keith 強調，邊一批貨靚就會入邊批。無錯，始終好的食物才是留住人客的最有效方法。
■「雜錦魚生飯」很受男士歡迎，因其份量夠，但OL 都會要求「少飯」。$38
■時令的加拿大海膽，亦作優惠發售，買返屋企慢慢嘆都得。$80
食客話
食客劉先生「由間舖新開張就幫襯到 家，用料新鮮，另外和牛定食都不俗。」
魚一心壽司刺身專門店（28919555）
灣仔春園街16號地下
$41食西京比目魚
唔慣食魚生，「大和」是一個唔錯的選擇。當中以西京比目魚定食用西京 豉將比目魚醃入味，甜甜 幾開胃；比目魚肉質較滑，魚骨唔多。定食包括中華沙律、 豉湯、主菜及白飯。星期一至五每日都有不同特價套餐，連晚市都只係$38，是逆市平食的又一選擇。
大和日式料理（28907980）
銅鑼灣記利佐治街1號金百利商場5字樓3室
