同我鬥？你未夠班！（設計對白）
周汶錡不愧經驗夠，一埋位，手踭已力壓熊黛林。
講開熊黛林，佢呢排都算頭頭碰著黑。城城宣布唔結婚，佢就惟有話為保飯碗，以後少提城城。
同Bosco 合照，周汶錡又大送波餅，熊黛林扮高貴，輸成條街。
工作方面，呢頭俾樂基兒落面，翌日（11月20日），佢又遇上老大姐周汶錡。兩人同場為Baccarat 示範首飾，膚色上黑白分明嘅佢哋，台上合照時都已經擺明鬆踭，結果薑係老嘅辣，周汶錡力壓熊黛林。
到同黃宗澤（Bosco ）合照，周汶錡又不惜賣大包，胸壓Bosco ，反而熊就生硬咁企埋一邊。無論係老細定男人，都揀周汶錡啦。
