11月7日，蔡少芬雖然以素顏示人，但穿上彩藍連身裙配紅頸巾，加上價值約8千元的LV 手袋，依然十分搶眼。
自年初下嫁內地男星張晉後，蔡少芬的生活亦變得樸素，最近更有報道指她婚後極速演化成烏where 師奶，為了跨越商場內的圍欄，不惜在眾目睽睽下擺出黃狗射尿的姿勢，認真失禮。
日前本刊拍得不施脂粉的蔡少芬與友人嘆下午茶，記者在鄰座聽到她連珠炮發向對方呻窮，高呼：「啲嘢貴到阿媽都唔認得！」其間更主動出擊「搲折」，請友人以staff price （員工價）替她買名牌。在公眾場所七情上面兼落足嘴頭搲平貨的蔡少芬，與入行時高調晒行頭搞百萬生日會相比，的確天淵之別。
這間HABIT U 餐廳環境舒適，咖啡最為出名，當日蔡少芬則點了凍檸茶和芝士蛋糕。
《珠光寶氣》中，蔡少芬嘆慣豪慣，為咗名利，不惜與做得佢老竇的岳華結婚，而現實生活中，原來她十分慳儉。
人氣劇《珠光寶氣》中，蔡少芬飾演的康雅思非常貪錢，人前人後都要身光頸靚，無名牌不歡。現實中的蔡少芬卻生活樸素，11月7日下午3時，她以素顏現身尖沙嘴，與一名女性友人到位於海洋中心的HABIT U 餐廳嘆下午茶。
皺眉
蔡少芬與女友人在餐廳傾談期間，表情多多，說到依家百物騰貴時，更不其然皺晒眉頭。
雞啄唔斷
蔡少芬坐在窗邊位置，聲浪唔細，當她手舞足蹈高談闊論時，現場唔少食客都對她眼望望。
講電話黑面
其間蔡少芬電話響起，她先向友人「
」一聲才接電話，記者聽見她「喂」後，語帶命令式地連續說了4次「唔得！」未知是否與老公張晉通話呢？
當日蔡少芬駕駛著市值約10多萬的黑色大發座駕，嘆完茶接載其女友人一同離去。
200蚊坐兩小時
二人選擇靠窗位置，雖然她冇化妝，仍有不少食客認出她並對她評頭品足，有些指她「唔化妝都幾靚女」，有些則說她「講嘢咁大聲」。據知情人士透露，一場金融海嘯令蔡少芬損手不少，她於07年以442萬購入的愛巢沙田碧濤花園，現在市價已跌至390萬，帳面蝕足50萬，難怪蔡少芬嘆茶時經常依牙鬆槓向友人呻窮，埋怨百物騰貴。
記者坐在鄰座親耳聽到她說：「嘩！都唔知點解依家啲嘢咁貴，貴到阿媽都唔認得！買件嘢閒閒哋都話要五位數。」其友人說：「唔係呀，依家好多舖頭都開始減價啦！」蔡即打蛇隨棍上：「都係啫……慳得就慳啊嘛！你咪識好多呢行嘅人，聽講有staff price 㗎喎！」其友人見她搲折搲到七情上面，亦惟有應酬吓佢：「staff price 買衫係平，但要等耐啲，我幫你問吓！」蔡少芬深知計仔奏效，立即笑到見牙唔見眼。
後來她與友人就轉話題討論《珠光寶氣》的劇情，更鬧爆自己角色：「嘩！佢好乞人憎，連屋企人都呃！」兩個女人在餐廳內吹水足足兩個半小時，之後由蔡埋單，少少茶錢換來以後無窮無盡的購物優惠，呢條數的確算得過。
11月10日，記者問到蔡少芬約友人嘆茶及搲折買平貨一事，起初她笑笑口指記者認錯人。
成為張太後，蔡少芬搵錢更加搏。為無線拍攝劇集《飛女正傳》，不惜谷胸上陣，還要吊威呀拍多場戲，連她都話拍攝時相當危險：「如果死咗就唔抵。」
蔡少芬和老公張晉早前抽空為老死王祖藍的音樂特輯《藍兒本色》扮鬼扮馬做嘉賓。
間歇失憶
11月10日，記者在《珠》劇活動上問到蔡少芬是否受金融海嘯影響時，她語氣堅定地說：「我得一幢物業咋嘛，層樓用嚟自住嘅，所以唔會擔心。我都有買股票，不過係用多餘錢嘅一小部分買，所以影響唔係好大。（你係咪好慳㗎！）我係一個慳妹嚟，同《珠光寶氣》個角色完全相反。（你慳到買嘢要嗱staff price ？）……咩staff price 呀，咩嚟㗎？我都唔知咩叫staff price 。（之前喺餐廳聽到你同朋友嗱折。）你一定認錯人喇，嗰個唔係我。」
記者再三將事發時間、地點和經過告知她，她依然死撐：「我諗你認錯人。」不到10秒，她又突然返魂說：「哦，嗰個係喺TVB staff 嚟，佢識得好多嗰行嘅人嘛，依家啲嘢真係貴嘛，你唔覺得貴咩？我咁做都係慳家，你唔好話我cheap 呀！」慳儉係美德，又點敢話你cheap ！蔡少芬身為張太後，咁知慳識儉，張晉自然錫晒你啦！
