嚫模Janice Man 備受金融海嘯影響工作量，她要慳家縮減一半開支，炒股賺外快，更堅拒長期接濟男友。Janice Man 求財，郭羨妮則公開求偶，呼籲有錢有心人繼續追求。
嚫模Janice Man （文詠珊）、郭羨妮和施念慈，昨日在中環出席護膚品Zensation 產品發佈會。Janice Man 近日曝光率不及其他嚫模，她揚言受市況差影響，上月工作量大減一半，她說：「9月尾拍完電影，諗住開始接job ，之前一個星期接到4、5個job ，10月中至尾，一個星期得番兩個左右，啲客嘅budget 少咗，但公司冇刻意減價，搵啲適合我嘅工作。」
Janice Man 謂逆市工作量減少，開銷都要緊縮。
Janice Man 與男友李冠鋒會互相幫補，但她拒絕長期接濟男友。資料圖片
月花至少二萬
問到是否收入減半？Janice Man 說：「比較幸運，10月加埋都OK ，初時媽咪都好擔心，我除咗供保險、基金，慳慳哋每個月都要使兩萬元，而家要再慳一半以上。」她謂不會叫仍在求學的男友資助生活費，但同樣不會貼錢男友，長貧難顧，她說：「唔會，我睇唔起呢啲男仔，可以互相幫助，但長遠唔可以咋，好彩近期投資有回報，放假喺屋企都會短炒股票搵外快，間中都會賺到幾千蚊。」
「有心人繼續追」
（左起）施念慈、郭羨妮和Janice Man 昨日齊齊出席護膚品活動。
Janice Man 求財，「熟女」郭羨妮就求愛，她說：「希望大家唔好以為我拍緊拖，唔敢追我。」怕被斷米路？她說：「係呀，我冇時間拍拖，但希望有心人都繼續追我。」她初時謂對另一半沒甚麼條件要求，但之後都謂想找好心、健康、有愛心，問她可需有錢？郭羨妮不諱言：「有都無妨，上天安排咋！」採訪：Jessica Ngan攝影：Matthew Lam
郭羨妮公開呼籲有錢人繼續追求。
