鄭嘉穎被指因緋聞纏身失寵，兩位無線小生黃宗澤（Bosco ）和林峯隨即攝位做了無線高層樂易玲身邊的大紅人。前晚Bosco 夥同性感女dancer 拍MV ，頻頻甩舞步，又跳到傷及舊患，樂易玲專程到來探班打氣，又講明會力捧他上位，令Bosco 更加緊張標晒汗。
黃宗澤（Bosco ）和林峯最近成為無線高層樂易玲的愛將，早前黃宗澤才被拍得夜會樂易玲開餐，前晚他在觀塘碼頭拍攝新歌《Hey Boy 》MV ，夥同數名打扮性感、露出大截肚皮的女dancer 載歌載舞，眾人舞姿野性又火辣辣，但黃宗澤因記錯舞步偶有NG ，不時向導演「耍冧」致歉。
唔敢望向樂易玲
現場見黃宗澤本已跳到標汗，隨後無線藝員部高層樂易玲和陳佩華、及東亞唱片高層忽然殺到，更令他血壓上升，NG 次數劇增，埋位時還笑言要避望樂易玲：「視線要避開呢一邊。」樂易玲見他騰雞即時呵番：「點呀你？唔使驚，荷媽喺大廳。」陳佩華也說：「你畀心機呀。」其後樂易玲又一面認真地
實黃宗澤跳舞，令他異常緊張，汗如雨下。黃宗澤簽約無線為經理人，是名正言順的「親生仔」，難怪樂易玲稱：「我哋專登落嚟睇Bosco 嘅表現，睇東亞咁錫我個仔。」林峯和鍾嘉欣這兩位親生仔女拍MV ，樂易玲也沒有探班，她對黃宗澤寵愛可見一斑，她則笑說：「係佢哋冇通知我啫。今次好緊張Bosco 出碟，又要跳又要唱，台慶過晚有睇過佢演出，覺得佢好好。我好hard sell 佢，一定要支持吓。」
樂易玲（右二）與東亞高層（中）親自到來探黃宗澤班，令他十分緊張。
樂易玲離遠
實黃宗澤，嚇到他不敢直望。
谷做樂壇新人王
夥同性感辣妹跳舞的黃宗澤，因緊張過龍頻頻NG 。
樂易玲揚言對黃宗澤確期望甚高：「希望佢第一隻碟賣得，快啲成為一線小生。」至於是否想谷他做樂壇新人王，樂易玲不諱言：「希望佢可以。」對於獲高層探班，記者昨致電黃宗澤時，他在電話中說：「佢哋嚟探班，自己有啲受寵若驚，特別緊張。」他稱對首次拍快歌MV 感難度，綵排時間又不多，還不慎傷及舊患，自然騰上加騰。問他夥辣妹舞蹈員跳舞有否向緋聞女友胡杏兒報定案？他即說：「唔使，拍時有咁多人喺度。」採訪：卓寶花 攝影：陳順禎
黃宗澤前晚拍MV ，獲高層樂易玲專程探班，令他受寵若驚。
