Crunchonomics緊縮經濟學：醫療保險唔慳得

眾所周知，美國醫療費用高昂，每樣治療逐項計，加上保健制度並非完全公費，而是公私共同支付，所以美國人相當依賴醫療保險，保費好貴。不過，經濟環境轉差，好多美國人唔夠錢同時供樓同保險，被迫二揀一。有人病都唔敢睇醫生，怕醫到連屋都冇得住！部份較重視健康的美國人，會先繳付巨額醫療費而逾期交按揭供款，房貸美數據顯示，有15%的個案以疾病為由拖欠按揭。

為供樓唔醫病
與此同時，有調查報告發現，在2600名打工仔中，有41%寧願保住層樓而放棄治療或拖欠醫療費用，較05年的34%大升兩成。部份更因要籌錢醫病，而將物業轉按借錢。舉一個實例，美國打工仔Richards 被公司減人工，由於佢有糖尿病，保險公司不受保，本來靠老婆公司的醫療保險保埋佢，但現時他們已離婚。Richards 想賣屋籌錢亦無人承接，越滾越大的醫療賬單已達3.5萬美元，最後他決定放棄治療，結果兩隻腳指受感染，要截肢保命。好在香港政府的公共醫療服務，並無制訂按不同對象收費，只要係香港居民，不論收入高低都可享用，但政府已開始研究新醫療融資，為保障自己，當然要買份醫療保險，以30歲非吸煙健康男士為例，基本醫療保險每年保費約2000餘元，條數唔細，但絕不能慳。