鍾嘉欣表演完去後台時，FBI 俾嘉欣條24吋漏斗腰引到入晒神，點知睇睇吓發覺佢肚臍有粒灰色痣，仲有條怪毛走出嚟添，真係嚇咗FBI 一跳。聽聞肚臍有痣，腸胃唔係幾健康，嘉欣真係要小心身體呀！
身為減肥藥代言人嘅鍾嘉欣，只得24吋腰，跳起舞嚟扭吓扭吓鬼咁sexy 。
臍懷大痣︰痣中有毛
佘詩曼︰有冇人記得我呀？設計對白
上星期三（19日）TVB 41歲生日，一年一度又台慶喎，FBI 當然走去八吓，睇吓班姐仔有冇台慶頒獎禮咁搏命啦。唔使爭獎，真係冇咁搏喎。
早排頒獎禮睇咪睇到腸胃滯，今次FBI 反而發現唔少小腰精，姣佘？out 喇！同阿姐汪明荃一齊跳濕水hip hop 嘅陳法拉同徐子珊，扭到FBI 都好hot 吓；不過子珊強調：「我做晒預防措施，一定唔會走光㗎！」轉頭FBI 又見鍾嘉欣出場，女神呢晚露出佢條24吋漏斗腰，鬼咁sexy 咁同林峯唱住扭，FBI 睇到眼睛想旅行。
表演完，FBI 想走去同嘉欣傾幾句，行近睇，嘩，原來嘉欣個肚臍有粒大痣㗎！仲唔只添呀，痣上面仲寧寧舍舍生咗條成半吋長嘅毛，肚臍生鬚，真係將FBI 嚇一跳囉。唔怪得嘉欣之前講過話：「唔介意著內衣行騷，但一定要遮住肚臍。」原來內有乾坤。
金底贈興
咪精變腰精
同阿姐伴舞跳hip hop ，表演「街項熱啡雨中舞」時，雖則汪阿姐係主角，但班姐仔露腰短裙先係主打，但睇吓法拉扭到裙都飛起，又成身濕晒，唔通仲歎阿姐杯熱咖啡咩。
舞鬥騎功
兩位姐仔仲要騎上港男袁偉豪（左）同謝天華敏感部位（右）度不斷「un 」，FBI 戥佢哋騎住嗰兩位辛苦囉。
招牌嘉美腰
自小學芭蕾舞嘅子珊排咗兩個禮拜舞，你睇佢跳到瞇晒眼就知佢當晚high 爆。
