九展開騷勁Rock 催眠Soler 赤膊Jam 歌阿媽悶到
孖仔組合Soler 前晚在Star Hall 舉行演唱會，當晚不少圈中人捧場，Soler 媽咪和家人亦有到場支持。雖然入座率只有七成，不少前排貴價位空空如也，不過孖仔Julio 及Dino 仍赤膊
身演出，音響更相當嘈吵，但Soler 媽居然能在台下呼呼入睡，好夢正濃，連乖仔也一樣冇面畀。
一連兩場《Soler Free To Rock 》演唱會，前晚在九展Star Hall 舉行，不少圈中好友如側田、許懷欣、許懷谷及李卓庭等前往捧場，而Star Hall 負責人胡文新前女友袁彩雲亦有出現看騷。Soler 唱片公司老闆羅傑承及太太梁芷珊連同旗下歌手關心妍和周麗淇並排而坐，關心妍坐在老闆娘身旁凸顯地位。
大細孖一彈一唱
Julio 及Dino 的媽咪和家人亦有到場支持，不過現場所見入座率只有七成，開騷時部份台前貴價靚位都空空如也。甫開場先由樂隊Kolor 打頭陣演出為觀眾熱身，之後Julio 及Dino 赤膊出場，兩人都表現得相當投入，細孖Dino 大彈結他，而大孖Julio 就忘我獻唱。其間Julio 和Dino 落台和觀眾近距離接觸，引起混亂，同時竟發現Soler 媽在座位呼呼入睡，她更睡到頭側側，看來好夢正濃，不知Julio 和Dino 知道媽咪睡覺會否埋怨她唔畀面？Julio 在台上說：「我哋會唱多啲國際性歌曲，香港都有國際性音樂人，佢就係黃家駒，佢用生命做好多好歌，係我哋嘅榜樣，我哋係唔會放棄。」
Julio 手拿長桿攝影機拍攝台下觀眾情況，表現得相當興奮。
Soler 媽媽竟在兩個乖仔奮力表演時，在台下呼呼入睡，認真唔畀面。
寫歌向家駒致敬
右起：BMA 老闆羅傑承、太太梁芷珊及旗下歌手關心妍和周麗淇排排坐捧Soler 。
Julio 和Dino 隨即唱出專為家駒而寫的歌曲《佢》，現場播出家駒相片，接著他們再唱Beyond 的《喜歡你》。演唱會尾聲Soler 「安哥」三次，Soler 說：「我哋一直努力冇放棄過，就算海嘯山崩都唔怕。」採訪、攝影：李珮洳
Julio （左）和Dino 赤膊上陣落力演唱，贏得台下一片歡呼聲。
