麟李開騷互搣減肥
譚詠麟（阿倫）與李克勤昨日在美孚接受Roadshow 節目《紅人館》訪問，阿倫表示為了農曆新年的「左麟右李」演唱會，二人正積極備戰。
不敢無底線
阿倫打趣道：「而家我同克勤成日互相搣脂㗎，你搣我，我搣你咋，仲要節食雙管齊下。」克勤說：「今次我哋想騷肌肉，我上身要僭建，裝大啲，阿倫就要再度身改做。」阿倫笑說：「呢個係09年最大嘅希望工程。」既然演唱會要露肉，問二人有沒有底線？阿倫哈哈大笑說：「冇底線定冇底褲先？冇底褲都得，有著面褲咪得咋。」克勤聽到沒底線即嚇一跳說：「唔會冇呀，到時先算喇，睇吓練成點，總之下個月開始會再積極啲操fit 。」阿倫表示稍後會與家人往日本及歐洲旅行，旅行期間也會節食。採訪、攝影：胡比
克勤（左）和阿倫齊齊展示「老鼠仔」。
