若想過另類熱帶聖誕，可選擇去新加坡，尤其一家大細去旅行，執幾件背心短褲就飛得，真係慳水慳力！為迎接聖誕，獅城月中已經開始張燈結綵，仲拉埋動物園大灑水花。邊個話新加坡悶？淨係趁墟都夠你忙一日。
記者：劉嘉蕙
攝影：陳盛臣
鳴謝：大眾控股、新加坡旅遊局
早 2拖2親子優惠為力谷一家大細親子遊，獅城推出1+1=4非常親子優惠計劃，將全新加坡二十幾個旅遊景點及三十幾間餐飲機構囊括在內，但1+1點等於4呢？即是話，兩個大人，可以免費拖兩個小朋友進場，或享折扣優惠。講得出嘅熱門旅遊點，如聖淘沙、Singapore Flyer 摩天輪、全部都有份。
動物園玩水度度都有優惠，去邊好？本人熱烈推介剛於11月開張的兒童雨林樂園（Rainforest Kidzworld ），位於新加坡動物園最篤篤，面積不大，有騎馬仔、餵兔仔，仲有間馬來小屋畀小朋友參觀。不過最吸引嘅，係雨林樂園中央那個過千呎嬉水池，水深只到小腿一半，但85％小朋友可以在內磨幾粒鐘唔走！
場內最精采的，是海嘯。嬉水池每過幾分鐘會有天降巨浪環節，方圓十里無一倖免，大浪到相機只會影到白浪一片，人頭難以辨認。呢啲令大人觸景傷情的海嘯巨浪，難得小朋友勁buy ，時辰未到就坐定定等俾浪
，
完仲笑到唔停得口。
■約一百米的過大河，小兒科。
Singapore Zoo地址：80Mandai Lake Road,Singapore
入場費：成人$91，小童$45
網址：
http://www.zoo.com.sg
■去完兒童雨林樂園睇動物，順便去Build-A-Bear 買熊啤啤返屋企。
午 見證生命誕生有嘅嘢唔慳得，譬如送聖誕禮物畀小朋友。但即使肯送，都唔代表一定正中心意。一年一次，畀仔女自己揀。新加坡熊啤啤店Build-A-Bear 就利用呢個概念，將市面上熊啤啤嘅缺點，如岩款唔岩色，岩色又唔夠好攬等問題，一一擺平。你想佢識唱生日歌？又或變high schoolmusical 人物？成隻熊啤啤由頭至腳都由主人話事，最後更可將象徵生命嘅小紅心放入熊啤啤體內，然後改名印出世紙，恍如見證新生命的誕生。採訪當日見到9歲Meredith ，抱住佢一手打造嘅Nikki ，好開心咁咶，呢個係佢一生中最開心嘅一日！
■Build-A-Bear 有多間分店，位於HarbourFront 呢間係全新加坡最大。
■Meredith with Nikki
Build-A-Bear Workshop
地址：02-17/18HarbourFront Centre,Singapore
網址：
http://www.buildabear.com.sg
■旋轉聖誕樹非常有童話感。
晚 巨型聖誕燈飾踏入11月中，新加坡聖誕燈飾已早早亮燈。規模最大嘅燈飾，以「甜蜜聖誕」為主題，由購物區Orchard Road 一直延伸至Marine Bay 。巨型士的糖、果汁糖、軟糖等吊在街上，路中心不時閃出幾棵旋轉聖誕樹，加上隱沒林中的糖果家族成員公仔，統統霸佔memory card 位。
免費坐巴士觀光配合節日，OrchardRoad 的商場及餐廳都有折扣優惠，但若不想大出血，可搭免費觀光巴士，只要在機場或Orchard Road 等旅客諮詢中心出示passport 留位，就可以得一張boarding pass ，參加30分鐘巴士旅程，欣賞聖誕燈飾。免費觀光巴士在晚間8時至10時半行駛，每15分鐘開出一班。
■香港閃嘅定新加坡閃嘅？
■坐觀光巴士感覺很遊客，但氣氛很好。
免費乘搭開篷觀光巴士觀賞聖誕燈飾日期：即日至2009年1月2日
時間：8:00pm-10:30pm
地點：Orchard Road 一帶
出門提一提簽證：持特區護照或BNO 毋須簽證。查詢：25272212（新加坡領事館）
套票：國泰假期新加坡熾熱優惠套票，包來回新加坡機票、The Ritz-Carlton 和Millenia Singapore 兩晚住宿、早餐及旅遊
保險，即日起至12月28日，每位$2,999起。查詢：27476070（國泰假期）
貨幣：1新加坡幣約兌5.06港元（文中價格已折算港元）
電壓：220V ，三扁腳插頭
旅遊查詢：
http://www.visitsingapore.com下周新加坡有雷雨，25~29℃
