鍾嘉欣砌波騰雞搲銀唔手軟
鍾嘉欣、吳天瑜和黃翠如昨日在九龍城廣場出席「乒乓球大賽暨明星表演賽」，席間三位靚女與乒乓孖寶高禮澤和李靜打友誼波切磋，不過鍾嘉欣顯得雞手鴨腳，與黃翠如的球技同樣麻麻，吳天瑜則有板有眼。
買靚衫獎勵自己
鍾嘉欣在聖誕期間會到美國登台，她在逆市仍密密接騷，財源滾滾，未有被壓價，她說：「而家接咗好多工作，我都會買啲禮物送畀自己當獎勵，買啲靚衫同化妝品，過年會返加拿大陪家人。」今年有份角逐樂壇新人獎的鍾嘉欣，問她可會選擇如台慶一樣的性感晚裝，她說：「唔會啦，歌手嘅形象唔使去得咁性感。」
鍾嘉欣和高禮澤拍檔與小朋友對賽。
吳天瑜打波時甚為肉緊，更趴在桌上。
黃翠如妒忌天瑜
乒乓高手李靜手持細球拍，與黃翠如的大球拍相映成趣。
另外，吳天瑜稍後到大馬為當地的旅遊局拍宣傳片段，還要穿三點式上陣，由於黃翠如都會同行，故她之前特別陪天瑜去買三點式泳衣，黃翠如妒忌地說：「見到吳天瑜真係唔鍾意佢咁大嘅身材。」吳天瑜則表示為了工作不介意穿三點式，不過今次要在眾多大馬傳媒面前宣傳，就有點壓力。採訪：馬建華攝影：仇志德
鍾嘉欣打乒乓波雞手鴨腳，更露出小蠻腰。
