楊崢難忘慳錢著二手衫
名模楊崢及時裝設計師鄧達智昨日在尖沙嘴出席「風中送暖外套大募集」活動，呼籲市民捐舊衣，為長者提供衣物度過寒冬。楊崢表示因工作關係，需要添置的服裝比常人多，服裝出鏡數次太多，不能再重複穿著時，就會送到慈善機構。楊崢說：「以前喺美國讀書，為慳錢好多時都會去救世軍買二手衫，最平試過用50蚊美金（約390港元）買一件衫，試過有其他model 用10蚊美金（約78港元）就買到。」
等劈價買樓
此外，楊崢自從為無線主持《更上一層樓》後，對樓市、置業問題都加深了認識，她正靜待入市良機，楊崢說：「我一直都想買樓，不過暫時仍未去到我心目中個價，我喺3年前睇中港島東區一個物業，當時大約600萬。雖然跌市，但早排再睇已經升到成千萬，當時冇買真係揼心，不過冇所謂啦！買樓都要睇緣份，我唔貪心，去番3年前睇個價我一定買。」採訪、攝影：魯萍
楊崢身體力行捐出衣物為老人送暖。
