Chrissie 新戲唔做性感女神，箍晒牙戴埋娘爆眼鏡扮便利店女，冇肉賣更加要靠演技，不過睇佢箍咗牙個樣其實都幾cutie 呀，起碼FBI 未喺便利店見過嘅咁索嘅箍牙妹！拋胸封胸懶有嘢，女星走紅三部曲。Chrissie(周秀娜)前排瘋狂拋胸，點知人又未紅，班熱血青年又未覺飽肚，咁快就已經收番埋佢哋咁自私？
《玩大咗》入面扮箍牙妹算擔正，而喺呢個禮拜上畫嘅《絕代雙嬌》戲入面，飾演「精叻baby 」嘅Chrissie 又同梁祖堯扮學生妹拍AV 扮鬼扮馬，落力醜化Janice Man 同Angelababy 。
同龔嘉欣、江若琳、鄭融一班唔同種港女齊齊拍彭發新戲嘅Chrissie ，戲入面就做個箍牙妹。套戲講佢哋計劃打劫便利店，而Chrissie 就負責混入去做收銀，唔使拋胸喎，但係Chrissie 同FBI 講：「箍牙之後講嘢漏風，又醜樣，好唔慣。」人哋Gaile 都箍過牙啦，做翻版要做全套㗎嘛。
