鍾嘉欣不為林峯可惜

鍾嘉欣不為林峯可惜
  

鍾嘉欣昨日出席在紅磡舉行的聖誕活動揭幕禮，談到緋聞男友林峯前晚在無線台慶失落視帝，嘉欣坦言未有為對方感到失望，反而覺得今年的賽果很合理，她說：「我唔覺得佢失望喎，嗱咗兩個獎已經好好，我都戥佢開心，其實今年嘅賽果好實至名歸，我睇過陣都覺得好感動。」問到嘉欣會否與林峯食飯慶祝，她笑說：「我估好多人都會同佢慶祝，我諗佢要擺幾圍先可以應付到。」

爭獎前搲銀
稍後嘉欣會以歌手身份角逐今年新人獎，她說：「今年嘅競爭都好大，淨係公司都有王祖藍、胡杏兒同黃宗澤，不過我對自己都有信心。」嘉欣表示頒獎禮舉行前夕，她將與林峯、夏雨和李司棋到大西洋城登台，希望可以過一個白色聖誕。採訪、攝影：何慧斯

 


鍾嘉欣雖然失落於頒獎禮，但她仍連聲祝賀緋聞男友林峯。