11月12日
本周三下午2時，呂麗君束起頭髮，又再出動，到美容店、律師行及旅行社林立的中環安慶大廈逗留近兩小時。
呂麗君自從以「劉太」身份發聲明，質疑甘比女兒的父親身份後，爭寵風波發展至今已近兩星期，除了大劉（劉鑾雄）自言做小丑外，近日呂麗君和甘比的身世亦先後被起底。有指呂麗君與父親關係疏離，呂父更撇下住在白加道的元配，另有第二頭住家；而匿埋坐月的甘比則被爆有個大她12年的初戀男友。這場豪門糾紛，十足連續劇。
而最新發展在本周二（11日），有報道指原本日日出外嘆茶的呂麗君，忽然直踩上大劉華置總部，與大劉「講數」13分鐘，令在場氣氛一度緊張。
事後，本刊記者多次聯絡，終成功找來封口多日的呂麗君就事件首度開腔。談到大劉，她語態肯定地說：「我只會相信劉生同我講嘅話！」言語間似乎意味喺他們的緊張關係已告紓緩。
本周二，大劉先到福臨門用膳後返回辦公室，不久呂麗君便乘車到來與他密斟。
連日來，呂麗君不是到白加道娘家打躉，就是相約好友飯聚，「爭產劇情」沒甚突破。不過本周二（11日）下午3時許，呂麗君待女兒放學回家後，便帶同一袋物品在一名女友人陪同下，直踩上灣仔華置總部，與大劉密會13分鐘，因而被推斷她是為了早前的「驚天行動」善後。
密會後心情靚當呂麗君坐喺「67」車牌，在保鑣包圍下大陣仗護送離開時，心情大靚的她，還主動望住記者微笑，或許她和大劉已達成共識，僵局得以「打破」。
其實連日來本刊記者已多次經由呂麗君女助手Kennie 傳話，希望可以與她本人作個電話訪問，可惜一直未獲回覆。至本周三（12日）再經Kennie 通傳，記者終於成功與呂麗君直接對話。
破冰之會 11月11日本周二下午3時許，穿上灰色連身裙的呂君離開白建時道大宅，保鑣亦預先將一個紙袋放入呂座駕內（右圖），之後座駕載住呂直駛往大劉華置總部。
密會前
密會後
呂麗君到達華置總部時，沒甚表情，但與大劉密會13分鐘後，她春風滿面，還望住鏡頭側頭一笑，似乎傾談過程順利。
近日呂麗君未有與大劉一同外出用膳，大多時間均在家與女兒盈盈聚天倫。11月10日，呂母更到白建時道大宅陪呂麗君，之後帶住孫女一同離去，呂麗君亦親自送兩人出門口。
本周二，呂麗君離開大劉公司時，出動12名保鑣築起人牆護送其座駕離開，認真大陣仗。
現時甘比正在坐月期間，大劉幾乎日日都前往她所住的梅道1號Mayfair 探望。《壹週刊》圖片
11月8日，穿上深藍連身裙的呂麗君再度乘座「I LOVE U 」車牌的平治四驅車到四季酒店，似有所表示。
呂：只信劉生對於發聲明和被cut 信用卡等敏感話題，呂麗君全部不願多談，但談到近日有指她與父親關係疏離，及與大劉互不瞅睬的報道，她態度表現輕鬆，斬釘截鐵表示，父親與劉生均是世上最錫她的男人。看來她和大劉的緊張關係已告紓緩。
記：其實你同劉生關係，係咪好似外間報道咁？
呂：屋企嘅嘢唔使澄清，總之得啖笑。
記：星期二你忽然去咗劉生office 13分鐘，你哋密會主要傾嘅咩，可唔可以透露吓？
呂：呢樣嘢唔使同人交代……我又唔係未去過呢個地方，好閒啫，上去佢公司。
記：但之前你嗱咗袋嘢，係咪嘅咩文件？
呂：只不過係LV 紙袋，里面冇乜特別嘢。
記：有報道話你爸爸有兩頭住家，又話佢同你關係疏離。
呂：爹哋同我關係一直好好，冇爹哋我都唔可以去外國讀書，爹哋對我供書教學，悉心栽培，我好多謝佢。佢同劉生同樣係世上我最尊敬同最錫我嘅男人。
記：點睇甘比呢個人？
呂：……總之所有不實同挑撥離間嘅報道，我係唔會回應。我只會相信劉生同我講嘅話！
記：其實發聲明件事劉生知唔知情？
呂：……呢啲嘢我唔會講。
記：喺你發聲明前，我哋影到你媽咪去求籤，係咪為你祈福？
呂：佢去求籤我真係唔知㗎。點解你哋又會無端端跟我媽咪？其實一個女人去拜神都冇咩特別呀，佢成日都去㗎啦！
之後呂麗君表示不願就事件講得太多，便禮貌地掛線。
家庭日冇份自從大劉早前在雜誌訪問中，直指呂麗君「冇腦」、做出「嚴重罪行」後，至今個多星期，兩人儘管住在同一屋簷下，但都各自修行，每日我有我返完工探甘比，你有你外出嘆茶睇騷；而連續兩個星期天，大劉都沒有帶呂麗君到福臨門出席劉氏的「家庭日」聚會，外間有指呂麗君被打入冷宮。
呂麗君勝利出巡儘管呂麗君被指遭大劉cut 掉信用卡，又連續兩個周日均冇出席家庭日的「大劉飯局」，但本身已經大把錢「責袋」的她，明顯無損心情，還日日花姿招展兼笑笑口出入大劉的白建時道大宅。她行頭之勁，似乎是勝利的表現。
11月8日帶女睇騷下午1時50分，戴喺啡帽的呂麗君，坐「COOL 」車牌七人車與女兒盈盈到尖沙嘴文化中心睇百老
名劇《灰姑娘》，其間不少保鑣在旁護駕。
Hermes 黃紅直紋Birkin 手袋約$6萬
《蘋果日報》圖片
11月6日半島開餐呂麗君棄用意有所指的「I LOVE U 」車牌四驅車，改坐回「67」車牌，到半島酒店與友人午膳，其間她面露笑容，還不時撥髮。
Richard Mille 粉紅藍寶石鑽表70萬元
全套Burberry 服裝逾萬元
Hermes 粉紅鱷魚皮Birkin 手袋35萬元
11月4日紅衣出門這天呂麗君兩度出入劉家大宅，還穿喺搶眼紅T 恤，送別友人時專登出門揮手道別，似乎心情大靚。
Juicy Couture 紅Tee 約$1千
11月3日中袖淺藍色線衫呂麗君近日出巡猶如行fashion show ，大劉則剛剛相反，日日見佢都係一式一樣的中袖衫。咪以為佢慳皮唔換衫，其實件件都係Hermes 貴價貨。
據知大劉近年愛上以便裝look 上班，平日甚少在港置裝，只是每到歐洲度假時，才會專誠到巴黎Hermes 找裁縫為自己度身訂造。他除了會訂造西裝、恤衫外，還會一次過訂10多件中袖線衫及長袖恤衫，更要求在每件衫上刻有JL （其名JosephLau 的英文縮寫）字樣，曾有說他試過一季的置裝費已高達數百萬。對於到該店訂造衣服，大劉曾說：「我搵佢哋做衫，因為尺寸好嘅，做嘅衫會闊身嘅，我喺得舒服好多。」
《蘋果日報》圖片
02年長袖淺藍色恤衫多年前，大劉已到Hermes 訂製上衣，還會要求將「JL 」（紅圈）字樣繡在胸口位置。
大劉一向長情，除了件衫鍾意Hermes 外，就連理髮都好專一，經常幫襯銅鑼灣蘭芳道一唐樓開設的上海理髮店。
大劉理髮期間，均有保鑣（圈）坐在靠窗位置守候。
11月6日中袖深藍色線衫
大劉訂造Hermes 上衣
網上熱爆呂麗君和甘比爭寵風波，掀起全城熱話。除各大傳媒每天不停更新進程外，事件亦成為不少香港市民茶餘飯後的話題。
網民對甘比的批評頗極端，有人讚甘比條命生得比李嘉欣更好，有人大彈甘比對眼十足熊貓眼。
記者發現「香港討論區」網站更特別增設「大劉、甘比、呂麗君事件討論專區」，專區開設不夠兩周，已有484個回覆（紅圈），瀏覽人次更達3萬6千多（藍圈），夠晒人氣。
網友「大飯團」大爆曾在某法國餐廳內親耳聽到大劉叫呂做老婆，更估計二人已結婚。
囡囡打破僵局據呂麗君一位閨中密友透露，她發聲明後，與大劉關係的確一度變僵，但近期關係「解凍」，在白建時道大宅內，她與大劉仍有傾有講。「冇話打入冷宮咁誇張，Yvonne （呂麗君）好知大劉心意㗎，況且始終佢哋日對夜對，仲有個可愛囡囡喺中間做話題，佢哋經常一家三口睇電視劇《畢打自己人》，Yvonne 間中仲會煮大劉鍾意食嘅牛扒同羊扒
佢。」據知呂麗君02年在英國讀書期間，由於要照顧自己，經常親自下廚，所以練得一手好廚藝，而大劉一向無肉不歡，呂麗君當然會「自動波」煮嘢食
這位她認為是世上最錫她的男人。
「其實Yvonne 為人一向低調，知道近排記者喺門口守候，都唔想成日出街，就連11月9日香港管弦樂團與馬友友喺洲際酒店搞嘅籌款晚會，原本一早留咗位，但最後都決定唔去。不過之前佢應承咗個女去睇百老
音樂劇《灰姑娘》，為咗
個女開心，唔想佢失望，至會陪囡囡睇囉！」閨中密友說。
11月12日大劉冇回應下午1時，大劉由公司出發到灣仔萬麗海景酒店，與鄭裕彤等富豪午膳。約下午2時30分，大劉離開酒店，記者將呂麗君向本刊剖白的內容轉述給大劉聽，但他聽後未有反應，直奔座駕走人。
同日下午12時半，大劉母親到福臨門午膳，其間有記者問及有關大劉和呂麗君日前「講數」的報道，劉母亦堅持封口，不作評論。
句句金呂麗君背住大劉發聲明，引起一輪豪門爭寵風波，事件哄動中港台，無論甘比女兒是否屬大劉，呂被大劉cut 卡，甚至大劉被記者咪牌擊中，每件事都引來圈中人及大劉以往緋聞女友議輪紛紛。
何鴻燊是第一位站出來表示大劉曾向他承認是甘比女兒父親，但事後大劉又話「冇講過」。為此何生說：「佢話我講笑就講笑，好閒。（有冇覺得俾人擺上枱？）佢擺唔到我上枱，其實生多個女，冇乜不大了。」對於有指呂麗君遭cut 卡，何生暗寸說：「太太同女係要錫，唔係令佢哋唔開心。Cut 卡佢好慘㗎，點入錢俾佢呀？」
李嘉欣得知甘比誕女後，曾說：「恭喜劉鑾雄再度榮升老竇，對方樣樣都有，亦有仔有女，相信唔介意多添女兒……我唔會刻意致電道賀。」
洪欣則大方恭喜甘比，「佢真係生咗？如果係就恭喜佢！」之後她又否認與大劉昔日有一段情，「又唔係真，冇特別感覺。」
蔡少芬被問到大劉近日新聞，即大耍太極，「唔關我事，唔理！理自己嘢都好忙……我身為張太，得閒都研究煮飯煲湯啦！」
從來敢言的白韻琴，對今次爭寵事件亦發表偉論，「所有嘢都係劉生編導，勁過史匹堡，美國有個史匹堡拍戲，香港有個劉鑾雄拍戲劇人生。」
羅霖：「做人太太應該做番太太本分，有嘅嘢係冇得投訴，做好自己本分就得！」
吳文忻：「我同呂麗君係同屆港姐，我覺得佢性格唔係咁鹵莽，應該係經過部署。其實都幾戥劉生慘，不停被人追住，始終家事唔應該嗱出嚟講。」
