據陳法蓉好友透露，她絕對相信男友朱明係好男人，而且更沒有與陸詩韻交往過。
搵到「真愛」嘅陳法蓉，之前拖男友朱明出巡大晒幸福。雖然外間不斷有傳佢「出口術」，響陸詩韻手中搶番嚟。但據知陳法蓉點都唔信朱明同陸小姐交往過喎！
咁信任男友係好事，但近日響陳法蓉嘅blog 上，發現到佢唔太開心，就連生日都自己過。早響10月22日，佢提到：「有些人自以為活在幸福之中...卻發現被相信的人背叛，尋求真相，卻再無法知道真相，最難接受的事...是否就是沒心理準備」。至27日佢生日前一日，陳法蓉再發表心聲，表示自己會離開香港過一個安靜嘅生日。媽咪姐打電話俾佢想講聲生日快樂，可惜佢就冇開手機。打得火熱嘅男女，生日點會唔預男友，唔通嗌咗交？
女人最希望與自己心愛嘅人一齊過每個節日。生日咁大件事，又響Blog 度寫埋啲咁sad 嘅嘢，應該唔係幾開心。
媽咪姐手帳
