中國佳麗劉暢文雖然樣靚又夠高
，但上圍僅得31.5吋，泳衣仲係全場最保守，難怪各方面表現不錯嘅佢只得「梗頸四」啦！
上週六（8日）國際小姐響澳門威尼斯人嘅金光綜藝館舉行，比賽前，FBI 就睇好兩位亞洲高妹，同樣有成1米76高嘅中國代表劉暢文同日本佳麗杉山恭子，可惜兩位靚女三甲不入，唔通上圍唔夠「澎湃」特別蝕底？FBI 同評判之一嘅賭王四太梁安琪了解，四太話：「你估大就好咩！最緊要均勻同言行大方得體嘛！中國小姐能夠散發到中國傳統嘅感覺，所以佢都嗱到第四……佢哋嗱第幾名唔係我一個話事，有11個評審㗎！」
大就好咩？真實對白
樣似日本女星深田恭子嘅29號日本佳麗杉山恭子，響美國波士頓讀書，所以講得一口流利英文，可惜身材冇乜睇頭，蝕晒！
公子愛大咪
慶功宴時，無線監製Wilson （左三），見楊其龍對挪威佳麗（右一）有興趣，即刻示意對方上前招呼楊公子，而挪威小姐亦醒目除下披肩。
挪威佳麗
另一邊講明愛鬼妹嘅楊受成公子楊其龍就唔係咁講喇，慶功宴時同無線監製Wilson 密密斟後，Wilson 就醒目示意胸前偉大嘅挪威佳麗上前應酬楊公子。FBI 心諗，如果楊公子係評判，如果趙碩之係西人，佢一定贏梗。
