早飛2+5：希杭格食格可拆「紐」
拍檔牛兄近期「弗」，自然可以好大聲咁叫我慳啲使，驚我敗晒〈早飛倉〉副身家。畢傑一向對貼士信心爆棚，牛兄你同我定啦！周中都係揀番地盤西班牙波，要希杭再一次贏紐文西亞，開1.83倍主W 。大大話話，希杭與紐文西亞呢兩支今季升班馬，周三西盃第4圈次回合已經係佢哋兩周內嘅第3度對壘；早前首回合同聯賽入面，希杭都分別勝1:0及3:1。事實上，兩軍交手確有格食格味道，上季喺西乙交手，希杭主、客都能擊敗紐文西亞；再計得深遠啲，希杭對上5次喺主場莫連隆球場迎紐軍更加係全勝，死未？
連對強隊戰力提升
希杭經過開季連撼西維爾、巴塞、皇馬及維拉利爾之後，似乎喺強隊身上磨練到唔少耐力同技術，10月初開始聯賽錄得4連勝。周日作客0:1負桑坦德僅輸烏龍波，但實情班波個form 行得唔錯，就算主力卡美路因傷長「抖」都冇有怕。紐文西亞上場主場2:4輸畀貝
斯，對手已經有麥克干沙拉斯同路爾斯伊度等主力養傷；而同時佢哋中場大腦祖安摩蘭奴又經已復出，不過都仍然大敗，就知班波近期好唔掂。首回合經已主場落後0:1，聯賽又岩岩輸完畀希杭，周三決定再博紐文西亞喺西盃次回合採放棄態度，輸多鑊！配腳有大把好選擇，揀馬略卡主場贏唔到馬拉加。馬略卡小島威力曾令人聞風喪膽，但上場領先畢爾包兩球都可以被迫和3:3，證明1號門將莫亞養傷影響有幾大。馬拉加連對巴塞及皇馬，一對左右翼杜達及艾利素演出極搶鏡，博不敗開「客勝」。畢傑
周中早飛超級重心
星期三7車路士大（1.54）車路士有安歷卡大勇已是入球保證，客軍英冠的般尼作客幾乎場場要失波。星期三10些路
[半勝]（1.6）些路
連續5場半場已領先對手，相比下「半勝」與[-1]的「主勝」賠率相若，寧吼半W 更化算。星期四4奧沙辛拿細（1.48）奧軍今季合共11場賽事開出1「大」10「細」，正宗唔識入波，1.48倍「細」可作變倍器。
難啃早餐
星期三15阿爾克馬爾讓唔起阿爾克馬爾近況雖勇，但近年極少能擊敗燕豪芬，前者荷蘭盃讓到[-1]讓唔起，「客勝」好穩陣。
〈早飛倉〉
主菜：星期三19希杭勝（1.83）@1,000渾水摸魚過關：星期三10些路
[半勝]（1.6）x 星期三19希杭勝（1.83）星期三20馬拉加勝[+1]（1.8）3x1@500今日早餐價錢：-$1,500上日賺蝕：-$325早飛倉結餘：$94,144規則：$100,000本錢，每日買早餐最多動用$5,000，最少$1,000，逢周二、五起身食早餐（見報）。
希杭即使缺卡美路（左），仍有
亞高卡斯度（右）等人數糊。資料圖片
