呢幾日，藝人梁洛施（Isabella ）同英皇嘅合約糾紛，都成為各界嘅熱門話題，雖然話呢場糾紛已經和解，但直至噚日，英皇同梁洛施方面仍然各自發功，英皇方面首先響晚上七點幾發咗張聲明，話喺今次官司中並冇畀過任何法律費用同付出金錢作為和解代價。至於梁洛施方面，都好快作出咗回應，今朝凌晨一點幾，梁透過資深傳媒人盧覓雪的工作室，發出另一則短短聲明，話唔想再評論各個不同嘅聲明及報道，因為當中有好多不盡不實之處，已經覺得冇需要逐一指正。Isabella 除咗多謝大家嘅關心同支持之外，仲話對於佢來講，呢件事已經告一段落，唔希望再作評論。
梁洛施發出聲明，話唔想再評論合約糾紛。資料圖片
