故事，冇乜所謂啦！2個猛男打爆上集之後，續集繼續深入邪獸本陣，拿起把經典電鋸槍見人就劈，將啲外族殺到一頸血，發洩之餘，救埋成個地球！
11月唔只有美國總統選舉，《Ketchup 》今期都有個美利堅game 壇大選，喺超過20幾隻made in USA 新作之中，嚴選FPS 射擊、動作、戰棋等各部門嘅必玩hit 作。點解冇運動類？
上期咪講咗最新足球、籃球game 啦！香港人又唔睇棒球唔打美式足球，掟蕉好過啦！
免費文章
多姆繼續同拍檔聖地牙哥出生入死，成隻game ，女人都唔多個。
單打故事模式有大量巨型波士要打，好似呢隻成部車咁大嘅異獸，一定要行上戰車頂射頭。
XBox 360
11月7日
Microsoft
FPS
10人對戰
$328
午夜拉票有嘢送
11月6日晚11點，記得去CWB 時代廣場9樓豐澤排隊率先買《GOW 2》！
入場即送《GOW 2》萬用刀，仲可以抽獎贏埋限量波鞋。
拉鋸戰《Gears of War 2》
上集全球大賣300萬隻，被微軟視為08年海底撈月之作，未推出已經被大陸黑客爆出老翻ISO ，但微軟就話冇有怕，香港限量版2倍超額認購！有乜把炮，支持率可以好似奧巴馬咁爆？
製作經年、Unreal 3引擎、最真實FPS 射擊，呢啲都只係門面賣點；向以爽爆、血腥見稱嘅《GOW 》，今集加咗好多勁血腥新元素，好似兩條友用電鋸格劍、脅持死屍當盾牌、以上種種都係日本仔夠膽諗、唔夠薑做嘅踩晒尺度selling point ，鬼仔見到一定大叫「Cool Man ！」乖乖畀錢啦！
01新槍燒屍
最新槍款有迫擊炮同噴火槍。而上集近身必殺嘅散彈槍，徇眾要求勁弱化，以前online 狂按A 掣碌地沙（今集轆地中彈會拖慢），埋身shot gun 必殺打法不再。
02猛男格鋸
裝備最基本嗰支機關槍，之後按B 掣就可以開電鋸劈到對手一頸血。呢招上集先出手一定win ，好多fans 呻唔公平，今集改良到可以「格鋸」，連打B 掣最快嘅人就贏。
03
肚陷阱
大選期間，2個陣營就最鍾意玩「黑材料」，你婚外情時我又洗黑錢，set 個trap 畀你踩。《GOW2》幾個全新地圖都一樣有陷阱，比如裝喺門口嘅激光切割機、吼實對手行過門口就開掣，將佢切成肉塊！
04無慮即決
「It's the economy,stupid ！」克林頓就係靠此金句喺辯論台上一句KO 老布殊，《GOW2》都有招「即決技」，將對手打到半死，行埋去加多下X ，就可以踩頭、拳爆、槍擊，將對手一招KO ！好爽呀！
Co-op 最好玩就係呢個守城戰，2人要合作打退50排敵軍，一死就由頭來過，聽講連監製都只係打到20幾排，超難玩。
競選投票就冇得做假，10人對戰（上集最盡8打）唔夠腳時，可以搵電腦做臨記，每邊忽然多咗4個NPC 幫拖，雙打唔使再1Vs1咁悶。
2人合作 拖住條女照殺
Game 入面就冇女主角用，但今集嘅Co-op 二人合作版圖，可以1P 、2P 獨立設定適合自己嘅難易度，比如2P 弱到出奇，可以將難度推到最易，咁你嘅攻擊力同體力都會忽然加強，上次試玩會阿Sa 都係校最低難度同監製雙打先至冇累街坊。各位男士又可以拍住條唔識打機嘅囡囡一齊打，麥凱恩都唔怕被佩林拖累，可以拍住上啦！
打咗3關，同《Bio 》最大分別係冇話每關有個大佬喪屍要殺，玩家主要執吓零件整番好隻太空船就過關，咪當呢隻巨型喪屍係大佬。
其他隨身裝備資料都同地圖一樣投射出嚟，你絕對唔好以為揀武器時會自動暫停，一樣會被襲。
隔空取物Kinesis 要拎起或搬走物件，太空年代係唔會自己郁手，而係隔空取物。被一班喪屍圍攻時，最好掟走部分喪屍。
背脊條尾龍骨就係能源bar ，唔使再擔高個頭去睇吓條能源bar ，即時就知道自己仲有幾多能源。
慢動作Stasis 一經使用，畫面上一切會郁嘅物件都會變慢動作，當你唔夠或想慳彈藥，將喪屍變慢動作再用拳頭打死佢。
喪屍偷襲得手就會擒上身喪咬你條頸，就算狂攃A 掣甩身，都會扣幾多能源，所以要好好利用太空特異功能。
喪屍太空總署《Dead Space 》
被喻為太空版《生化危機》嘅《Dead Space 》，美國佬雖然已經發展出太空科技，但仍然勁respect
豬殺牛整burger 的屠房工人，主角係用最low tech 的拳頭、電鋸屠殺太空喪屍，打出《Rocky 》式小人物立大功格局，好有「美國夢」啊！
PS3/360
經已推出
EA
ACT
網上8人對戰
$299
堅game 未來之星
生化襲美《Resident Evil 5》
雖然《生代危機》係100%日本血統，但集集美版《Resident Evil 》都因為尺度鬆啲，可以斷手爆頭，雖然香港玩家向來愛儲日本版，但今次一定要提提嗜血者，一定要買行貨美版！
PS3/360
09年3月
CAPCOM
ACT
殺日本仔《COD 5》
今集回到二戰，美國佬打日本皇軍，暫時都唔知有冇日版喎！不過《COD 》系列一直有單數垃圾雙數先好賣嘅「傳統」，希望Activision 快啲喺亞洲區送出demo 。
PS3/360
11月11日
Activision
FPS
先動口《End War 》
奧巴馬被寸冇當過兵，第時唔知點樣統率三軍，咁你真係要玩玩史上首隻聲控RTS（實時戰略遊戲：Real Time Simulation ）《End War 》，行軍調將唔使勁click mouse ，吹句水，下屬自動會去打生打死。故事仲寸到玩假想第3次世界大戰，到時石油一滴都冇，美國、歐盟、俄羅斯三大陣營要打仗統一地球，呢隻都打得掂，第時打反恐戰就唔怕咁「呢hea 」。
XBox 360
經已推出
Ubisoft
RTS
網上4人對戰
$328
控制工作兵去霸地盤，但佢哋最怕就係坦克車，所以一定要搵多隊
死坦克嘅直升機護航。
飛到埋去，啲直升機就會自動攻擊，邊隊兵輸贏，要睇番你隊兵嘅level 。
完成版圖後，就係時候增強軍備。每種兵你都可以用手掣360度zoom 埋去睇清楚。
當你就快玩完，仲可以追加太空衛星炮、空中轟炸等必殺技，前者會連基地、甚至四圍嘅友軍都消滅埋，整爛件玩具都唔好益人！
搶據點增兵
你要學似美軍喺中東不斷搶據點，以提升軍事力量，升到咁上下就可以增兵，但由於聲控有一定限制，成個戰場最多只可以存在兩個勢力各12隊兵。兵種同武器，係要喺版與版之間嘅setting 畫面用錢改良，唔好學我咁，跳走唔upgrade ，去到下一版死硬！
平時打《R6》，用無線耳筒當然爽爆，但玩《E.W 》都係用番有線好，否則收音太細聲，成日認唔到。
因為聲控玩法仲係新，最驚係幾十隊兵你order 唔掂，所以online 玩家最多只係有4個人，而每場戰鬥只可以作1Vs1戰鬥，冇得4勢力大混戰。
練吓把聲
開戰先要等A.I.認你把聲，聲控指令分為三節：「邊個」（1隊）、「做乜」（攻擊）、「邊度」（敵軍A 陣地），分開一截截讀都冇問題㗎！經筆者無聊實試，有認/ 冇認聲的落order 成功率真係差成倍！另外，原來只要英文頭1個音讀得準就夠，好似講Air strike （空中突擊），讀到變「Air 西」佢都認到；開頭仲驚呢隻game 香港人玩唔掂，而家唔怕啦！
再郁手《C&C Red Alert 3》
麥凱恩係越戰英雄，曾被越共俘虜5年，咁就要玩《C&C 》系列最新作《紅色警戒3》。7年冇見，《紅》系列新作操作不變，都係親手click 滑鼠圈地圖操控士兵，但故事同畫面就真係耳目一新。
上集大敗畀「歐洲軍」後，「紅星軍」決定用時光機返回過去，喺對手羽翼未豐前先下手為強，點知就時空錯亂，反而多咗個用「高達feel 」機械人打仗嘅「日升國」，而你後來亦都可以製造「生化裝甲熊」同各種科幻武器，成個三國大戰好鬼漫畫，上星期三限量版首賣會，唔夠1個鐘賣到冇貨！
PC
經已推出
EA
RTS
網上6人對戰
$300
兵種變化都因應國家嘅style 而有所不同，呢隻玩武士刀嘅「日升國」機械人，好鬼六神合體！
播片係玩真人片段，點解套軍裝咁低胸？因為未來世界全球暖化，絕對有根有據。
俄羅斯飛船襲擊自由神像，美國佬真係好鬼死有被害妄想。
喂，左邊個日升國王咪係《Heroes 》日本仔Hiro 個阿爸！
堅game 未來之星
希佬前傳《Halo Wars 》
連《HALO 》都要出戰棋，2009年RTS 真係有機會勁過FPS ，想知道士官長點樣誕生，想用成隊斯巴達超級士兵打星盟怪獸，一定要打。
XBox 360
09年初推出
Microsoft
RTS
荷里活山
星光大道
成日撞車、超速、衝紅燈就會俾人拉，不過啲A.I.路人係永遠撞唔死，所以你最多都係罰錢，唔使坐監。
假景仲靚過實景，因為而家空氣唔好，喺LA 日光日白都未必見到成個Hollywood 字樣架！喺game 內就見到。
連用手機通話呢招都照跟《GTA4》，今次仲有T ．moblie 贊助用PDA phone ，可惜唔係G1，係Sidekick 。
四圍搵目標砌車，賺夠就去車房買新車。行老正後終於有車廠十卜，連momo 拉花都可以玩到。
荷里活「車」票《Midnight Club LA 》
加州向來有強大政治影響力，大大個荷里活喺度，搵明星支持拉票，人哋一句好過你講十句！
想同荷里活明星熟絡，可以試吓玩呢隻正宗車版《GTA 》，你要控制條爛仔車手，搵對手鬥車成為西岸車神。因為Rockstar （GTA 間廠）將所有殺人放火撞死人三級元素飛走，LA 市終於批準佢將成個城市造成立體地圖，荷里活山、星光大道都造足晒。
操作方面，佢個手感係比較「假」，速度感快，勁易甩尾轉彎，好似以前《Daytona 》咁爽快，唔使《GT5》嘅專業技巧都可以做車神！
XBox 360
經已推出
Rockstar
RAC
網上8人對戰
$299
堅game 未來之星
冇女玩《量子殺機》
新鐵金剛今集有game 版，係一隻action 加射擊嘅豐富作品，但惟獨是冇邦女郎玩，事關呢隻係入屋正經game ，冇床戲㗎！
PS3/360
11月11日
Activision
ACT
網上8人對戰
$329
跳老舞《High School Musical 3》
美國啲初中其實都好多豬妹薯仔，仍然迷戀《歌舞青春》呢類俊男美女舞台劇，又會古老當時興出Wii 版跳舞毯音樂game ，好oldskool ！
Wii
11月11日
Disney
Music
4人對戰
$329
總結 09有排玩
Metal Gear 之父都呻：「美國game 超日本幾班。」
2007至08前半年，歐美最勁嘅主機就係任天堂部Wii ，但呢部機打來打去都係《Wii Fit 》，成個東京遊戲展係得Capcom 隻《芒享3》令人期待。難怪近排連《Metal Gear 》之父小島秀夫都呻，話日本嘅製game 水準已經落後過美國好多，如果再唔發力，遊戲美帝國09年大有機會逆襲日本！
美利堅game 大選
