08年cutie
去ball 一定係衣香鬢影？一場金融海嘯就改變咗這個遊戲規則。
上周五（10月31日）萬聖節，慈善團體「健康快車」在君悅酒店舉行慈善化妝籌款晚會，赴會嘉賓雖然悉心打扮交足功課，不過大家都有個共通點，就係一味要慳。例如陳細潔、寇鴻萍著舊衫；郭秀雲、趙式芝等嘅服飾都係幾百蚊搞掂，羅寶文的古裝裝扮仲係零使費。
今時今日大勢所趨，慳皮唔會俾人笑，反而仲會讚你夠環保！
04年高貴
循環再用
陳細潔將04年找何國鉦訂造的鯊魚晚裝作改良，花心思外配披肩，並親手造鯊魚嘴頭飾，為四年前的戰衣改頭換面，不過記性好的人仍會一眼認得出。
在名人界中，能夠在金融海嘯中獨善其身嘅真係冇幾多個。經濟前景人人唔睇好，日常應酬使費，梗係慳得就慳啦。響呢個經濟低迷嘅時候，身為「健康快車」萬聖節化妝籌款晚會主席的郭秀雲，順應民情呼籲大家：「萬聖節最緊要一大班朋友玩得開心，大家肯扮嘢已經好捧場。今時今日，唔可以再要求大家花太多錢打扮，始終cash is king ，有錢不如責吓袋啦。」
幾百有交易
郭秀雲的花仙裝扮由朋友於油麻地代買布料，然後再叫工人造，全套$500有找。兒子景峰的悟飯裝在網上競投，亦只用了60蚊美金（折港幣約$468）。
趙式芝的裝扮前面看沒甚麼特別，背後卻是一隻立體的大閘蟹，諷刺時下很多人做了大閘蟹。裝扮由趙式芝設計，朋友代造，連工包料只用了三百多元。
慳唔等如cheap
既然主席都咁講，出席的嘉賓們梗係睇住荷包做人。好似鯊魚女陳細潔，竟然著返四年前何國鉦幫佢設計嘅鯊魚裝出席；寇鴻萍亦表示身上嘅南瓜小姐裝係舊年著過嘅。其實只要花啲心思，幾百蚊貨仔都可以閃爆全場，例如趙式芝三百幾蚊手作仔「大閘蟹」裝，搶鏡之餘又應景，她說：「依家去ball 唔係好buy 著得好隆重，我冇珠光寶氣，但玩得開心。」果真夠體面。
著舊衫
寇鴻萍坦承南瓜裝是翻著，衣飾是郭秀雲去年相贈，她見顏色sharp 又有節日氣氛，一於循環著多次。
零使費
身為富豪酒店太子女的羅寶文當然不用計較慳荷包，只是她人緣好，搞藝術創作的朋友不單借出古裝衣飾，還花了個多鐘頭為她梳頭化妝，全程埋單零使費。
罕有落本
雖然話當晚很多嘉賓的裝扮慳得就慳，相比之下胡敏珊卻落足本，半透視晚裝配以閃鑽小后冠，全套裝扮肯定過五位數。
大人慳細路豪
萬聖節ball 場名人鬥慳家，不過名人對於下一代就絕不慳家。萬聖節正日任達華琦琦女兒任晴佳、呂良偉楊小娟兒子呂善揚出席甄子丹家參加派對，幾位名人都花盡心思為下一代扮靚靚，花多些錢亦不計較。
琦琦愛女Ella 主動要求扮女英雄，女兒一句話，令琦琦逛了各大小名店近一星期，結果於中環街邊檔找到合適的服裝，雖然價錢只需二百多元，琦琦愛心卻是無價。
呂善揚天生有正義感，連續三年都要求扮警察，於派對上維持秩序。這套制服於玩具反斗城購買。
汪詩詩扮蜜蜂，兒子濟嘉James （右）扮蛛蛛仔，愛女濟如Jasmine （左）就扮迪士尼動畫《阿拉丁》的Jasmine ，服飾在美國迪士尼買，要三百蚊美金。
名氣街
