賭王評大劉：多個女好閒啫
賭王何鴻燊前晚帶同三房女兒何超雲到尖沙嘴出席公益金40周年晚宴，不過，超雲在台下欣賞黎明演唱《兩心知》時，就悶到頻頻托頭、打呵欠。賭王日前爆劉鑾雄承認甘比女兒是大劉所出，但後來遭大劉否認向他爆料，他說：「好閒啫，講笑就講笑咋。」是否被大劉擺上枱？他說：「擺唔到我上枱嘅，生多個女，好閒事啫。」
何超雲在台下看黎明（小圖）表演時，不時托頭及打呵欠。
大劉日前遭咪牌扑中，賭王說：「我冇試過喎。」莫非賭王保鑣特別醒？他即時認叻說：「佢哋好夠力，我自己亦都唔容易（俾人）搞掂，我都打得吓。」賭王又表示未試過cut 姨太的信用卡，他說：「未諗過，女都唔諗（cut 卡）啦，更加唔好話老婆。太太同女係錫嘅，點會令佢哋難過呢？冇卡好慘，點畀錢呀？」採訪：羅慧敏、馬建華攝影：黃文偉
賭王自認「打得吓」，因此未試過被咪牌扑頭。
