馮仁昭四圍超：生死關頭吐真言 章子怡「希望有小孩」
章子怡早前接受台灣《VOGUE 》訪問，大談事業同感情，佢先講到岩岩拍完由陳凱歌執導嘅電影《梅蘭芳》，佢話喺電影入面飾演嘅孟小冬，其實就係佢一直最渴望演嘅角色，子怡話：「在未遇到《梅》片前，我甚至想過自己當製片，拍孟小冬傳，她（指孟小冬）是我拍過這麼多電影中，笑得最多的一個人物，同時也是最傷心的一個人物。」
夢見自己死亡
感情方面，子怡話好享受現時嘅感情生活，仲好希望生BB 做媽咪，佢話：「這兩天做夢總是夢到死亡，夢里我因為一場錯誤注射的醫療事故，被醫生宣佈還有幾小時命，我驚惶對醫生說：「我不可以死，我還有太多事情沒有做，我希望有小孩。」佢又話自己出年30歲，係時候生BB ，講到未婚夫Vivi Nevo ，子怡話：「他很清楚我的個性，知道要我不演戲沒可能，我是個不易妥協的人，要我不演戲，除非我懷了孩子。」
章子怡話除非生ＢＢ，否則唔會放棄演戲，呢一方面相信佢未婚夫Vivi 最明白。資料圖片
