曾江侃侃而談當年點樣鬧喊余慕蓮。依家至話想道歉，遲唔遲嘅呀！今年七十有一嘅曾江一向出名火爆同臭口，早前佢上由楊天命同車淑梅所主持嘅有線新節目《人生命書》做嘉賓，就自爆試過鬧喊余慕蓮：「有次我同佢（余慕蓮）拍親熱戲，發覺佢真係好唔掂，我就鬧佢話：『你咁嘅樣我真係投入唔到，好心你就執吓自己嘅儀容啦！』點知佢即刻喊，話：『咁我真係冇拍過拖呀嘛，點知拍拖係點嘅啫！』依家我真係好內疚，好想同佢道歉。」
鬧完人竟然後悔兼想道歉，唔通轉死性？原來關條命事，楊天命就批佢話：「佢人緣差，七十歲前都得罪人多稱呼人少。今年佢七十一，應該會好番嘅啦。」不過，媽咪姐始終認為，關個人事多過關條命事囉。
佢唔識欣賞我嘅內在美啫！（設計對白）
