莊思敏炒股輸百萬心靈重創
吳浩康女友莊思敏早前投資了近7位數字在基金和消息股上，可是金融海嘯後，她的股票投資全軍覆沒，令她辛苦行騷賺回來的血汗錢化為烏有。莊思敏冷靜下來，決定狂接工作補數。
金融海嘯令全球經濟大受影響，莊思敏自爆早前買了不少消息股，受到股災打擊，幾乎變成廢紙，她透露損失接近7位數字。談到股票的損失，莊思敏日前肉赤地說：「我將呢幾年做model 賺嘅錢，分別買股票同基金，咁岩遇到金融海嘯，我嘅投資全軍覆沒，股票跌到渣到冇，基金係長線，惟有放埋一邊等吓，希望有一日可以收復失地。」莊思敏表示最初接受不到股災，其後經過一周時間，她的心情才得以慢慢平復下來。
「唔想靠屋企」
莊思敏的爸爸是馬來西亞拿督，問到股災後其父可有在經濟上接濟她？她說：「咁又冇，可能阿爸都受影響。其實我做咗嘢後，好少攤手問爹哋嗱錢。自幼屋企唔係培養我哋太過物質主義，記得我讀初中，每月得400蚊零用錢咋，到中三先加到800蚊，相對我啲同學每個月有3000蚊，我真係好少零用錢，我盡量都唔想靠屋企。」
莊思敏早前買了不少消息股，受金融海嘯影響，損失慘重。 資料圖片
為了填補股災的損失，莊思敏只得努力搵錢，演出不同的商場騷。 資料圖片
搲撈教扮靚
除了股票，莊思敏有買基金作長線投資。
為了填補股災的損失，莊思敏只得努力工作，除了狂接模特兒工作外，她本月11日開始應陳海琪邀請主持網上節目《現代思潮》，教網友扮靚心得。莊思敏會邀請圈中好友到場分享潮流觸覺。可會安排男友吳浩康（Deep ）上節目？莊思敏說：「都會㗎，我覺得阿Deep 著衫幾有型格，不過佢太鍾意著西裝，走斯文形象，有時我覺得男仔披披搭搭都一樣好睇。」採訪：比華利攝影：陳俊強
莊思敏早前買了不少消息股，受金融海嘯影響，損失慘重。
