周汶錡不忿買貴Chanel
殿堂級名牌Chanel 經典香水No.5推出新版No.5Eau Premiere ，昨晚在灣仔舉行酒會，現場包裝成一個超時空傳奇之旅，周汶錡、Ana R.、琦琦、潘楚穎和星級化妝師Zing 等，盛裝捧場。周汶錡說：「8月去歐遊換季入貨，買咗唔少Chanel ，大出血，而家歐元回落，好似買貴咗咁，好唔抵，不過算啦，Chanel 嘅衫、袋可以用到60歲都得，長遠都係抵。」問到香水方面，她說：「唔同場合、日夜都唔同，香水係跟人，我唔鍾意太甜嘅，鍾意啲清新嘅味。」
琦琦將陪老公任達華到澳洲出席亞太電影大獎。
星級化妝師Zing 一身Chanel 現身。
琦琦幫老公打氣
琦琦則透露周日會陪老公任達華去澳洲，出席下周二舉行的亞太電影大獎，她說：「因為《文雀》提名最佳電影、最佳男主角，我去幫佢打氣，同埋過一個星期二人世界。」採訪：Law Wai Man攝影：Matthew Lam
周汶錡揚言常買Chanel 大出血，早前歐遊就入了不少Chanel 手袋。
