Road Show 妹Viann 同從事金融業嘅Peter 拍拖五年。06年9月仲未掟煲前，二人拍拖行ifc ，其間並冇拖手，刻意低調。
最近FBI 收到個匿名「爆料」SMS ，內容係近年拋咪搵食嘅吳佩慈原來同Road Show 主持梁慧恩（Viann ）有爭仔舊仇，話吳佩慈嘅現任大馬富貴男友Peter ，之前係同Road Show 妹Viann 拍拖，但因為女方鍾意出去食散餐，所以男友轉投吳佩慈懷抱，慘被飛嘅Viann 於是四圍唱爆情敵。
FBI上週三（29日）就問過Viann ，Viann 承認同Peter 拍過拖，但講起情敵就話中有骨：「分手之後佢同吳佩慈拍拖……我唔識吳佩慈，況且我而家都有男朋友啦，唱佢（吳佩慈）有乜意思？不過我同Peter 以前拍拖好低調冇人知，但佢哋拍拖之後就唔單只俾人影到，仲俾傳媒報道埋出嚟 ……」咦？咁即係話有人高調博宣傳啦！，咁個神秘SMS 咪係……
匿名SMS 上週日，FBI 及各大傳媒均收到一個匿名短訊，內容提到吳佩慈同Road Show 妹Viann 爭仔。但報料人把Viann 的英文名錯串成Vian 。
Viann 因主持「Road Show 」節目而為人熟悉，佢話嚟緊仍然會主持「Road Show 」節目。
SMS 內容提到Viann 曾整容，但面圓圓鼻扁扁嘅Viann 就誓神劈願話自己冇整過。
踩情敵 事後吳佩慈力撐男友專一彼此冇第三者，更話唔知Viann 係乜水，明踩男友舊愛。
