陳敏之：冇佢我都冇而家
曾拜小室哲哉門下、成為徒弟的陳敏之昨日於中環為時裝品牌行騷時，聽到師傅被捕的消息，表現十分愕然：「好突然，希望佢冇事，話晒佢都係樂壇教父，天王級，始終都同佢合作過。」敏之更透露當年合作經過：「佢都算係我恩師，過時自己日文又唔識，都學到好多嘢。佢哋係2000年同我簽咗兩年，我都有去日本受訓，去夏威夷出碟，見過佢幾次，個人都好nice ，就算佢哋當年喺香港結束，都有幫我搵後路，簽咗畀TVB ，冇佢我都冇而家。希望唔係大件事，唔使坐監，可以打官司冇事。」
「唔信佢係咁嘅人」
另一位徒弟譚凱琪對這消息同樣感震驚，她說：「小室係個世界咁有名嘅名人，佢自己本身都有好多生意，真係唔信佢係咁嘅人，我同小室已經有幾年冇聯絡，佢對我好好。」採訪：顏英儀
00年陳敏之與譚凱琪等五人有幸成為小室門下弟子，進軍日本學藝。 資料圖片
