奶瓶蛀牙影響BB 一生細菌感染恆齒 進食發音困難
為省錢，有家長即使發現孩子的乳齒被蛀壞也置之不理，但原來乳齒與恆齒的生長有密切關係，蛀牙處理不好，隨時影響一生。不少父母為了讓寶寶安穩入睡，長期讓他們吸啜奶瓶，引致「奶瓶蛀牙」，整排牙齒蛀壞，甚至令牙髓發炎生膿瘡，感染未長出的恆齒，最終使恆齒的形狀、顏色及排列不正常，日後進食及發音都有困難。 記者：張嘉雯
牙醫學會會長梁世民解釋，嬰兒六個月大後，家長若仍不定時或頻密地餵哺，幼兒口腔內的細菌便會利用食物的糖份製造酸素，侵害牙齒，形成幼兒嚴重蛀牙，「有啲家長想細路
得好啲，畀佢哋含住個奶樽
，啲牙浸喺奶度，就會不斷俾啲酸素侵害，因為條脷
住下層牙齒，所以上面啲牙蛀晒，下面就無事。」
長一隻便蛀一隻
梁世民指，幼兒嚴重蛀牙又稱為「奶瓶蛀牙」，特徵是牙齒蛀壞得快、廣，而且嚴重，乳齒隨生長的次序蛀壞，長一隻便蛀一隻，由門牙開始向後牙蔓延。由於小朋友的乳齒琺瑯質不及成年人堅固，加上刷牙技巧不好，如果吃喝次數頻密，唾液便不能有效發揮作用，牙齒表面的礦物質便會持續流失，形成蛀牙。乳齒若嚴重蛀壞，小朋友會感到牙痛不適，影響進食、學業及睡眠，甚至吃止痛藥也無效。梁世民表示，蛀壞的部份會發出異味，導致口臭，令社交生活受影響，有家長誤以為乳齒不重要，便置之不理，「如果唔理佢，啲細菌就會蔓延到牙髓，令牙髓發炎同埋生牙瘡，細菌可以經乳齒嘅牙根感染牙槽骨入面未生出嚟嘅恆齒。」更嚴重者，面頰亦會受細菌感染，令面頰腫痛；若牙齒被破壞的情況很嚴重，可能需要把乳齒脫掉，導致附近的牙齒向空位移動，造成牙齒移位，影響恆齒的排列及儀容。
「淨係畀水佢哋」
他提醒家長幼兒一歲後要定時餵哺，不要讓小朋友隨時隨地拿著奶瓶，否則患上奶瓶蛀牙的風險會增加，「呢啲係癮嚟，佢哋慣咗個吸啜動作，家長可以喺奶樽入面加水溝稀啲奶，或者索性淨係畀水佢哋，咁就無咁易蛀」。
特稿撞斷牙撞甩牙有得救
孩子是否擁有一棚靚牙，很多時也不在父母的控制範圍內，因為小朋友玩耍、打波、打架、或是不小心跌倒，一隻隻雪白幼齒隨時飛脫斷送，遇到這種情況，家長除了第一時間檢查傷勢及安慰子女外，最重要是尋回牙齒，然後用奶或鹽水浸泡，再向牙醫求救。牙醫學會會長梁世民指，牙齒意外撞斷，家長可嘗試尋找折斷部份，如有流血，可用清潔紗布或手帕按在流血的地方止血，然後向牙醫求助，「執番隻牙可以睇吓用唔用到，有啲8、9歲嘅細路，可以用合成樹脂黐番上去」。
斷牙用奶或鹽水浸泡
梁世民早前曾接獲兩宗打波「飛甩」牙的個案，「一個丟咗（斷牙），一個執番，個老師用生理鹽水裝住，嚟到診所可以幫佢整番落去」。他提醒家長，要用生理鹽水或者奶浸泡斷牙，但不能用清水，在一、兩小時內讓孩子接受治療，牙醫會視乎受傷的情況及斷齒是否受污染，決定是否可以重用斷齒；受碰撞的牙齒在五年內仍有頗大機會壞死，需定期覆診。本報記者
牙醫梁世民指，奶瓶蛀牙的特徵是牙齒蛀壞得快而廣，而且嚴重。
