志偉怕變大劉 自嘲無能
曾志偉昨日聯同數10名藝人包括李香琴、曾華倩及胡楓等，參與在星光大道舉行的慈善大纜場，活動已籌得逾百萬善款。談到劉鑾雄（大劉）與愛將甘比一事，志偉指清官難審家庭事，他說：「我當睇電視劇唔知詳情，何生（何鴻燊）知得清楚啲，佢同大劉食飯。」
華倩爆嘟嘟暴瘦
問志偉會否覺得多女人多麻煩？志偉直言是會較危險，又謂自己與大劉和甘比均不算熟識。問他會否盡力不讓自己像大劉般？志偉笑說：「希望一世都唔會，我冇呢個能力，時間上冇可能得。」至於曾華倩則表示為呂方與鄭裕玲（嘟嘟）覺可惜，她說：「感情係全世界最複雜嘅事，佢有咁嘅決定，作為朋友會支持，佢一定有自己理由，分開唔一定係唔好，可能各有各精采。」華倩又指嘟嘟真的消瘦不少，希望對方只刻意減肥。問到華倩早前與呂方合作時可覺他有異樣？她說：「察覺唔到，佢兩個提起對方都會甜絲絲。」華倩又稱不相信他們是因炒股問題而分開，因嘟嘟是個精明之人，財政不會假手於人。琴姐則說：「我前晚見到嘟嘟仲同佢講不如合作拍劇，之前同佢做過劇好有mood ，不過嘟嘟話太辛苦，佢其實真係好忙。」採訪：藍嵐攝影：葉君海
志偉直言女人多是件危險的事。
