好多父母認為最難搞就是BB 剛出世時，晚晚哭又扭計，唔知佢想點！但童愛玲（Eileen ）就話囝囝Kyle 細個超易湊，唔多喊唔扭計。反而4歲開始每事問、周圍走，令Eileen 哭笑不得。情形相信比上古巨基新主持的《係咪小兒科》更叫大朋友發窘，因面對囝囝很多問題她都答到口啞啞……
記者：林佩婷
攝影：伍慶泉
場地提供：G Bar （22347739）
■由懷孕到教仔，Eileen 看了不少參考書。
做藝人的生活日夜顛倒，但Eileen 卻說做藝員比做媽咪幸福得多。「做藝員身邊有很多人照顧，乜都幫你安排好。做媽咪反而要樣樣幫囝囝安排好。佢細個要煩生活問題，而家大咗仲要教。」尤其5歲的Kyle 正到了每事問的年紀，就更傷腦筋。「有時喺雜誌見到我啲相，佢就問『點解只得媽咪而無我個樣？』更難搞係『我點樣嚟？』我就答喺媽咪個肚度住咗9個月，跟住佢又問『咁點樣出嚟呀？』」單單應付這些問題已知唔係小兒科！
■懷孕時嗜吃牛扒，肥了75磅。
■Kyle 出世有9磅8，醫生話是同年的重量冠軍。現5歲高125cm ，常被人誤會為小三生。
兩個理論派
■這個角落特設凳仔作為罰坐位。
不止答問，好多時還要應付囝囝的反問。Eileen 不好體罰，同囝囝溝通就靠講道理。「我成日講『我已經同你講過唔可以咁做』，有日竟然聽到佢同工人咁講。甚至有小朋友搶佢玩具，佢唔會即刻搶番，而係同人講道理。」弄得Eileen 哭笑不得，更明白身教的重要。但最近Kyle 愛上跳梳化及爬窗。「我罰佢坐角落，再同佢講咁做唔岩，每講5分鐘就問佢明唔明，點知佢會同我講，爹哋做錯嘢都要去罰坐！」面對這類反問，才是挑戰100萬獎金獎品！
自創遊戲練耐性
■上年於
士尼萬聖節中扮鬼扮馬。
雖常被問到啞口無言，但湊仔經驗畢竟每日累積，還會自創遊戲來訓練孩子耐性。「前排Kyle 生眼挑針，醫生話一日三次熱敷15分鐘，對佢嚟講簡直係酷刑。為分散注意力，我叫佢一邊摸佢最鍾意嘅玩具，一邊估吓係咩嚟，又或互相對問。」
■要Kyle 閉眼用手摸估公仔，令他坐定定之餘又可訓練觸覺。
■Eileen 偶然才拆一盒玩具，令Kyle 時刻都有新鮮感。
順其自然不能逼
■一有時間便一家人去旅行。
Eileen 也嘗過撞板，「Kyle 3歲時，佢啲同學已識寫字，於是我又教佢學寫字，點知佢好唔鍾意，我一星期後就放棄。後嚟家長日，老師問我哋朝早喺屋企做咩，我就話學寫字，老師即刻話唔好，喺屋企應該玩。因為佢返學都唔鍾意學寫字。呢件事亦令我明白到教小朋友唔可以逼。所以而家畀佢學新嘢，絕對唔會用逼嘅方法。」難怪Eileen 說做媽咪比上班累，為教仔腦筋不停急轉彎。係咪小兒科？呢題識答呱。
■Eileen 說個腦現時要24小時不停運作，以應付問題天天都多的Kyle 。
