台慶頒獎禮之飛躍進步男藝員篇唱歌演戲做司儀谷到盡 王祖藍：我感情龜裂
人真的不可以貌相！雖然王祖藍欠缺高大英俊的外表，不過他的曝光率和人氣絕不遜色於當家小生，每逢扭開電視機，經常看到他的蹤影，最近還躋身歌星行列。在今年《萬千星輝頒獎典禮2008》中，王祖藍憑《同事三分親》、《古靈精探》、《鐵甲無敵獎門人》和《2008香港小姐總決賽》，獲提名飛躍進步男藝員，佔盡天時地利人和，成為頂頭大熱。 撰文：何慧斯
王祖藍在今年《萬千星輝頒獎典禮2008》中，憑《同事三分親》、《古靈精探》、《鐵甲無敵獎門人》和《2008香港小姐總決賽》獲提名飛躍進步男藝員，談到奪獎呼聲高，他說：「都係多得朋友支持，我呢一年交咗好多朋友，今年係我第二年入五強，我又冇乜壓力喎，一來今年信心多咗，二來今年唔得嘅話，下年唔會再有。其實我上年都怕今年冇進步，點知又好彩畀自己跳咗一大步。」
「而家有啲疲態」
問王祖藍明年有何計劃？他說：「我淨係覺得而家有啲疲態，所以要好好調節吓，我怕下年嘅進步未必比得上今年。」對於王賢誌離巢前曾表示為未擔任過港姐司儀而耿耿於懷，由此可見擔任港姐司儀的代表性是何等重要，不過王祖藍表示當初被委派此任務，未有想過這原因，他說：「可能我細路仔唔識世界，當時都係身邊人講先知道係咁重要，我只係當普通工作咁去做，而且我覺得代表性唔係由工作去決定，反而好睇觀眾嘅反應，得到佢哋嘅認同先至係最重要。」王祖藍表示明年希望嘗試做配角或主角，看看可否擔正做戲。對於王祖藍來說，今年絕對是大豐收的一年，很多地方都可以見到其蹤影，導演王晶和陳木勝更先後表示祖藍的檔期很難安排，即使祖藍表示很享受目前的生活，但總有令他呻苦的時候，他說：「我有時都覺得好忙亂，搞到情緒都麻麻哋，覺得個人好dry ，因為冇時間去學嘢，所以我同公司申請咗下一年要放假，一係去紐約讀短期課程，一係去傳道，我覺得錢係搵唔晒，點都充實吓自己。」
王祖藍歌影視三棲發展，獲提名飛躍進步男藝員。
今年7月，王祖藍獲委派做港姐司儀，會否令王賢誌牙癢癢？資料圖片
「成十年冇拍拖」
今年大豐收的王祖藍希望到紐約進修，充實自己。
過往王祖藍先後與蔡少芬和「大馬朱茵」顏薇恩傳緋聞，可惜全屬冇米粥，自言恨拍拖的祖藍說：「數數吓都有成十年冇拍拖，中間只係拍過一兩次散拖，之後都未遇到對象。如果我拍拖嘅話，一定會開記者會大大聲講。「但係如果為咗潤一潤，搵咗女仔拍拖又死，我唔係一個理性嘅人，你睇我去讀啲搵唔到錢嘅舞台劇就知，話晒我都係artist ，不過係藝術家而唔係藝人，擺明係浪漫主義型。但係我點都係等緊激情海嘯嘅衝擊，我而家絕對係感情龜裂，好dry 。」攝影：林德雄服裝提供：ANOTHER化妝：K.T of Felix Ferreira髮型：Hair Concept of W1（Eddy Kwong ）
飛躍進步男藝員提名名單
-王祖藍-《同事三分親》、《古靈精探》、《鐵甲無敵獎門人》、《2008年度香港小姐總決賽》-李思捷-《秀才愛上兵》、《原來愛上賊》-徐榮-《同事三分親》、《古靈精探》
王祖藍在《同事三分親》中演樓華一角，鬼馬演技備受讚賞。劇照
郭政鴻《舞動奇跡第二季》
-郭政鴻-《野蠻奶奶大戰戈師奶》、《太極》、《古靈精探》、《尖子攻略》、《舞動奇跡第二季》-梁烈唯-《秀才愛上兵》、《野蠻奶奶大戰戈師奶》、《法證先鋒II 》、《甜言蜜語》、《尖子攻略》資料來源：無線電視
現年28歲的王祖藍自言是浪漫主義者，很期待愛情來臨。
