插圖：Wendy 近期隻新歌賣到開晒巷嘅寶島歌王「茄輪」，嚴格嚟講，靚仔絕對冇佢份，但鬼叫佢又識彈、又識作，更加唱得咩，依家嘅女仔，都係「愛才更愛財」，「茄輪」全中，有乜法子唔引死女呀！之但係佢嘅臭寸態度又唔係人人受得
﹗一個空姐姊妹就講咗一單佢嘅衰格嘢俾媽咪姐聽，媽咪姐聽完都一把火。
話說有一次「茄輪」出埠，佢當然係坐頭等啦，咁岩有個空姐都算係佢fans ，於是拿拿臨走埋去，鬼咁殷勤咁問佢飲咩？哈，點知呢個大鼻王，完全當空姐隱形，唔睬兼夾擰個頭向坐佢隔籬嘅助手講：「叫佢同我嗱杯熱水。」助手即一字不漏向空姐覆述。呢位空姐當時真係嬲到想一巴摑落呢個唔尊重人嘅「茄輪」度。呢件事當然好快傳遍「空姐界」。姊妹話依家有嘅行家實行「以其人之道還治其人之身」，若遇到同「茄輪」同機，完全當唔知佢係乜水。
，呢個故事就話俾大家聽，好多藝人以為自己高高在上，原因都係一嘅追星族將佢哋捧到上天所致，講真，佢哋咪又係人一個！
