鴨王何浩文空姐新女友唐紫瓊蜜遊台北

現年27歲的鴨王何浩文（Dominic），2011年跟糖妹黃山怡拍拖，兩年情玩完後，一直未有新女友。昨日讀者透過《蘋果》「爆相爆片」，分享鴨王偕新歡蜜遊台北撐枱腳，Dominic新女與其舊愛糖妹樣貌甚相似，只是較高如「高版糖妹」，經人肉起底後，「高版糖妹」現年24歲，任職國泰空姐，三點式泳照廣貼社交網任睇。

男神王宗堯和𡃁模女友黎紀君（Christy）上月孖遊東京洩蜜後，兩人大方承認拍拖，王宗堯好友鴨王何浩文跟糖妹分手後，未見展開新感情，讀者Nash昨日透過《蘋果》的「爆相爆片」，分享Dominic在台北與「高版糖妹」撐枱腳照片，Dominic昨接受訪問時直言恨拍拖。

「高版糖妹」上月底也有出席Dominic生日飯局，身穿的橫間衫跟前天在台北的一樣。

「高版糖妹」Candy不時自拍賣萌，如同糖妹（右圖）倒模。

同衫賀生日

讀者Nash指前日下午約5時，Dominic與貌似糖妹的女伴出現台北Rilakkuma Cafe拉拉熊咖啡廳，那餐廳以鬆弛熊做主題，「高版糖妹」戴黑帽配黑白橫間上衣，上月底她也是穿著這件上衣出席Dominic27歲生日飯局。據知24歲「高版糖妹」叫唐紫瓊（Candy），在國泰做空姐，她不時在微博貼出穿制服的照片，又愛在Instagram喪曬靚相，包括她愛在陽光下嬉戲的三點式水著相。Candy鍾情鬆弛熊，Dominic前日陪她去鬆弛熊餐廳，擺明冧女，兩人對坐進餐，邊談邊吃東西，完全是情侶feel。Dominic似乎特別愛Candy，他的舊愛糖妹英文名叫Kandy，跟這個新歡Candy只是串法不同，發音都一樣。

【靜待】

「高版糖妹」Candy與Dominic進餐時有傾有講，兩人對對方絕不陌生。

【冧望】

【婦隨】
記者昨日聯絡Dominic，他卻未有乘機公開戀情：「唔拍住啦，我今次四人去，我中途加入，又係其他人影唔到。我主要去識嗰邊啲producer呀。」Dominic對空姐新歡資料三緘其口，他說：「佢係圈外人。」兩人可有發展空間？他說：「順其自然啦，瞭解中！」到底這次旅程他與Candy同房還是分房睡，Dominic避談並拉開話題：「話時話，間餐廳唔錯，係份量少啲。」記者再追問下，Dominic才說：「梗係分房啦！」

鴨王Dominic都有一副爆肌好體格。資料圖片

Dominic與糖妹分手已兩年，想不到其新女友有前度影子。《Face》圖片
將關係升級

Dominic昨日返港後，在電話訪問中續說：「我哋真係唔係拍拖，我月底有新歌《不知所措》出街，我今次去台灣都識嚇啲音樂人。」他堅稱此行雖是兩男兩女，但卻非兩對情侶，他說：「同行另一男一女都唔係一pair，我係同男仔同房，男女授受不親。我唔鍾意用拍拖新聞見報。」又笑言人生出現很多「Candy」：「中學識個女仔叫Candy，糖妹又係Kandy，呢個又Candy，我即將出MV個女仔又係叫Candy。」說罷便直認與空姐Candy瞭解中，兩人關係由普通朋友升級：「我都恨拍拖，但自去年尾後，我發覺自己事業開始起步，唔想嘥咗個機會，想為自己打拚嚇。」

Dominic台北洩蜜後，Candy立即將Ig加密，無私顯見私，昨日也有讀者爆料指Candy剛與男友分手，有指因為Candy認識Dominic後即撇男友。

採訪：楊定
from:http://hk.apple.nextmedia.com/entertainment/art/20151116/19374409

鴨王何浩文（Dominic）兩年前同糖妹分手之後，近日就有讀者爆相爆片，影到佢帶埋新歡「高版糖妹」唐紫瓊（Candy）在台灣撐枱腳，雖然Dominic否認戀情，但係都算係開心事喇。不過有人歡喜就有人愁，講緊邊個？咪就係「高版糖妹」嘅前男友囉。

「高版糖妹」嘅前男友叫Daren，係個Model，而昨日佢喺IG就貼咗張同一班朋友飲嘢嘅相，佢仲話：「放心我真係無事，Thank you buddies，過嚟搵我啦。」唔通係班朋友知佢唔開心，所以去陪佢？過咗一陣，佢就貼咗另一張相，仲話：「其實沒甚麼不好，有情有義的人繼續在我身邊，無情無義的人已經遠遠離我，證明我的氣場還是吸引正派的人。」睇完「高版糖妹」同Dominic嘅同遊台灣新聞，又講啲咁嘅嘢，真係好難唔令人聯想埋一齊。

Daren喺IG就已經刪晒同「高版糖妹」嘅合照，但仲google到，可以睇到佢哋最後一張合照係喺9月影，仲好sweet添。

另外，Daren之前係同糖妹(真嗰個)拍過微電影，世事真係好多巧合。
from:http://hk.apple.nextmedia ... 151117/19376202

鴨王何浩文帶新歡「高版糖妹」Candy去台灣撐枱腳。資料圖片
鴨王何浩文（Dominic）跟糖妹分手兩年，最近被踢爆跟新歡「高版糖妹」唐紫瓊（Candy）蜜遊台灣，有圖為證，Dominic仍矢口否認，昨日本報聯絡到「高版糖妹」Candy前男友Daren，Dominic被指是破壞Daren和Candy關係的第三者，Daren接受電話訪問說：「我只可以話我唔想接受，我都要必須接受。」

Candy和Daren曾經好恩愛，到最後無疾而終。讀者提供圖片

Dominic跟「高版糖妹」Candy爆三角戀。

遊台期間未分手

Daren指Dominic和Candy到台灣蜜遊期間，跟Candy仍未分手，關係糾纏不清，Daren曾發現早前二人外出約會，不過Candy死口不認，他說：「我有發現過，因為我已經兩次有朋友，喺荃灣見過佢哋，朋友同我講佢哋食飯，表現好親暱咁，拎晒袋扶晒咁，之前我有見到佢哋有傳訊息，我有問佢：『係咪好friend？』佢話唔係，我就冇理，跟住佢哋一齊出去食飯，我有問Candy，佢話冇出過去，我話朋友見到你，佢話冇出過，我都冇辦法。」結果Daren最後看到報道Dominic和Candy台灣蜜遊，才如夢初醒。

Daren表示心情開始平復，他說：「我知道佢（Candy）鍾意嘅嘢佢會去做，佢開心我OK，反正我唔可以做到啲乜嘢咁，我唔會覺得俾人呃，感情就係咁。」不過，有讀者報料反指是模特兒Daren博出位，他說：「我唔係，呢樣嘢最主要起因唔係因為我，我搞出來就話係因為我，呢件事我都係唔開心角色，我都唔想人話Candy係博出位，我都知Candy心情會係好差。」Dominic被指是第三者，他透過短訊回覆：「唔係事實唔回應。」

採訪：非非、皓騫
from:http://hk.apple.nextmedia ... 151118/19376865