你哋走寶啦！（設計對白）
近年在影圈中臭名遠播的余文樂，繼去年拍動作片《男兒本色》嫌辛苦，最後跟導演陳木勝反面，其後斟洽接拍《武俠梁祝》，開出指定女主角要用阿嬌兼企硬收150萬片酬，最終被飛由吳尊頂上。
一不離二，最近，麥兆輝單拖開拍《無間道》延續篇，本來是班底之一的余文樂，又要求多多兼唔肯打，最終亦被飛出局，繼續坐冷板。
03年，《無間道》第一集大收，麥兆輝（左一）、男主角梁朝偉跟劉偉強（右一）頻頻在各大頒獎禮上嗱獎。
02年，劉青雲跟古天樂合作喜劇電影《絕世好BRA 》大收，再度合作警匪片，均以友情價演出，認真抵得諗。
嚇窒導演跟劉偉強拆夥分開發展的麥兆輝，下月會開拍以《無間道》為藍本的警匪片，有吳鎮宇歸位之外，還新加入古天樂、劉青雲以及吳彥祖等一線男主角，片酬加埋近千萬，但各人卻願以友情價演出。班底之一的余文樂，本來亦在名單內，但因為片酬開一百八十萬，優惠價都話企硬要一百五十萬，仲講明一定唔會打，即時嚇窒導演，換上肯捱肯打的陳偉霆。
「呢套戲係《無間道》延續篇，警匪片梗係有好多動作場面，不過余文樂就點都唔肯打，加上佢企硬收百五萬，導演唯有換人，搵William （陳偉霆）係因為佢身手靈活又跳得，加上片酬平幾條街，在商言商，個角色又唔係非余文樂不可，換硬喇！」知情者說。
拍《男兒本色》時，余文樂因為成日受傷，搞到同導演反面，更堅持以後唔再拍打戲。
今年只拍得一部《同門》，在首映禮上扮鬼扮馬的余文樂依然未知驚，接新戲時繼續擺款，唔通真係一朝得志……
陳偉霆在電視上不時勁舞晒肌肉，加上唔怕捱打，即時被麥兆輝睇中，頂替余文樂。（《蘋果日報》圖片）
爛片王去年破紀錄接八部戲，自以為已上位做影圈阿哥的余文樂，氣焰愈來愈大，拍戲在現場擺足大哥款，神憎鬼厭。收得貴人又差，不過，他
重飛的《青苔》、《花花刑警》等電影全部慘淡收場，只得三、四十萬票房，成為新一代票房毒藥。
為此，余文樂今年只拍得一部《同門》，大把時間黐住I.T 老闆沈嘉偉、郭富城等人飲飲食食，扮潮人。
對於用陳偉霆頂替余文樂，麥兆輝回應說：「我哋有同佢傾緊，不過詳細嘅嘢要遲嘅先公布，大概十一月尾啦。」
