呢個魔術，Jay 係要將隻葵扇6變做葵扇8。
向來鍾意玩魔術嘅周杰倫，早幾日嚟香港出席唱片公司為佢舉行嘅新碟祝捷會，會上佢又技癢要露兩手。話說席上佢施展啤牌變法，嗱住張葵扇6要喺一秒之間搖手一變成葵扇8，在場嘅人靠肉眼當然睇唔出，拍爛手掌大讚佢嘅身手了得。但係魔術Jay 嘅掩眼法就快唔過相機個快門，睇番啲相，成個穿煲過程曝晒光。點都好，魔術呢個伎倆係阿Jay 溝女招數之一，媽咪姐無謂踢爆晒，影響佢喺異性心目中magic 型男。
另一個凌空倒酒魔術，鏡頭下都冇破綻，叫做嗱番個彩。
今勻真係瘀爆！（設計對白）
但喺鏡頭嘅快速搜影下，清楚睇到隻啤牌原來有兩層，底下嗰層正攝緊出嚟，底下兩行花黐埋咗（左圖）。之後就大功告成（右圖）。
