呵呵，兩個我都咁歡喜！（設計對白）
邵美琪N 年前男友兼《珠》劇監製戚其義（白鬚者）負責抽獎，黃德斌成為幸運兒獲鑽石錶，邵美琪夾喺兩位「情人」中間，開心到V 晒手。
咗宣傳台慶重頭劇《珠光寶氣》，無線上個禮拜六（十月十八日）安排成班演員登上「亞洲之星」郵輪，出海舉行派對，當日無論男女，均盛裝赴會，尤其係貴為張太嘅蔡少芬，一套deep V 大露背藍色晚裝，再配上六位數字珍珠鏈加耳環，性感與華麗程度，簡直成為全場焦點。
蔡少芬搏到盡，同樣低胸上陣嘅邵美琪，唔使靠鬥露搶鏡，事關佢成晚顧住同緋聞男友黃德斌打情罵俏。
雖然獎品係男裝錶，但黃德斌照樣將呢份Lucky 轉贈邵美琪，借花敬佛
女。
大會安排演員欣賞韻律泳表演，之後所有人
低影合照，點知陳豪腳軟失重心幾乎「舂」前落水，好在林保怡扶實，否則陳豪肯定出醜。
有錶在手，邵美琪開心到繑實黃德斌做訪問，可惜佢過度興奮，跌咗隻錶落地，黃德斌即刻幫手執番。
一向多不和新聞嘅王喜，嗱住相機不斷同《珠》劇演員影相，證明自己並非犯眾憎，只係人夾人，夾唔到鄭嘉穎囉！
為幫郵輪派對搞氣氛，黃德斌、陳豪、林保怡等請纓上台表演脫衣舞，扭籮fing 西裝，引來全場尖叫。
自從合作完《火舞黃沙》，「斌琪戀」曾經成為熱話，兩個更未有因為緋聞而刻意保持距離。派對當晚，黃德斌
抽獎環節中贏得一隻男裝鑽石錶，佢諗都無諗，第一時間將隻幸運鑽錶送俾邵美琪。
收大禮嘅邵美琪攬住隻錶開心到不得了，仲興奮到唔小心跌咗隻錶落地，黃德斌呢份「擺明車馬」嘅心意，何止feel 得到，真係盲嘅都知喇！
