雖然田中千繪唔算索，不過㗎妹身材好，同范逸臣嘅床戲都有嘅睇頭，可惜佢喺戲入面成日喊，而且要聽佢嘅唔鹹唔淡嘅嗱膽國語，講真都幾煩！
台灣多奇事，總統可以勁貪污，當年明道又無厘頭可以紅，最近就有套《海角七號》票房勁破3億9百萬台幣（約9千萬港元），破晒台灣本土電影紀錄。
咪以為套戲好繽紛，實情全片瀰漫台灣風情，仲要所謂感動位又娘過瓊瑤小說！瓊瑤喎，如果你年近40，應該會岩feel 嘅！
《海角七號》8月22日喺台灣上映，票房成為神話，據知仲有台灣瘋狂粉絲連睇18次，香港亞洲電影節安排喺本月18日及24日上兩場，嘅飛亦一早賣晒，11月仲會喺香港上映，氣勢凌厲！不過，台灣人岩口味，香港𡃁界未必受得起，由於《海》片台味勁濃，發生地點喺台灣小鎮恆春鎮，加上套戲節奏勁慢，齋睇風景都好難捱足片長129分鐘，真係
嘅都隨時訓喺，最嗱命係《海》片日、國、台語三種語言輪住講，追字幕追到氣咳。
嗱命情信救命？未算，片中所謂感動位嗰7封情書篇篇用字勁娘，一句：「噢，彩虹！」嗱命隊穿牆，仲有所謂嘅紀念禮物竟然有條叫做「勇士之珠」，sorry ，真係幾驚，如果你睇完頭30分鐘仲覺得好正，你應該係文藝青年得閒會投稿去黃巴士嗰堆！
《海角七號》講嘅咩？二次大戰結束，一位日本籍教師在遣返日船上向台灣女學生小島友子寫下七封情書，60年後他的女兒為父代寄，但因原址已沒而未能寄出。後來阿嘉（范逸臣飾）由台北返回鄉下恆春鎮做兼職郵差。一日他無意中發現一個來自日本、要寄到「海角七號」的郵包，於是揭發呢段60年前感人戀情。
1/3主角范逸臣翻生後，最近有傳佢片酬由廿萬暴升至過百萬台幣（約25萬港元）接拍星皓台灣響頭炮之作《愛到底》其中一個單元故事男主角，同台女賴雅妍（左）談情，人氣同叫價拍住片酬百二萬台幣（約30萬港元）的阮經天。
戲中不停穿插七封情信內容，大玩當年《情書》feel ，不過內容超老套，連才子陶傑都話唔岩港仔口味：「台灣味重唔岩香港仔，不過都寫得好，中文通順有想像力有感情。」
娘爆情書噢，彩虹！
但願這彩虹的兩端足以跨過海洋，連結我和你。
這容下愛情的海洋至少還容得下相思吧！
我想我會把你埋在我心里一輩子，就算要娶妻、生子，在人生重要的轉折點上一定會浮現。
陶傑：唔岩香港仔！
騎呢樂隊除咗寄情信，套戲另一條主線係講范逸臣同成班無謂人組成樂隊奮鬥經過，戲中其中一個感動位係田中妹要返日本，喺呢隊騎呢大樂隊出騷前，一人送一條頸鏈，各有代表意義，不過每條嘅名都係勁娘，大家頂得住冇？
圖左起：勞馬/bass(孔雀之珠：守護堅定的愛情)、茂伯/ 搖鈴手(日光之珠：象徵尊貴地位)、阿嘉/ 主音(勇士之珠：保護榮譽及勇敢)、馬拉桑/bass(蝶蛹之珠：勤勞帶來財富)、水蛙/ 打鼓(手腳之珠：手藝更好)、大大/keyboard(祖靈的眼睛：健康成長)
最爆阿伯茂伯（林宗仁飾），因為年老兼學極都唔識用bass 而被樂團out 走，但因堅持要有演出，結果被阿嘉等人安排玩搖鈴，結果佢一路搖一路發脾氣，全套最搞笑係呢幕。
《海》片彈出嘅唔只范逸臣，連帶飾演茂伯嘅林宗仁亦人氣勁升，本身係中樂團團長嘅林宗仁，喺戲中亦有玩佢嘅拿手樂器「月琴」，佢戴嗰副眼鏡網上炒價高達過萬台幣，佢自己都話：「出街都很多人叫我，有點不慣！」
《海》片范逸臣自己都唔睇好，話如果《海》收過2千萬台幣就會裸泳的范逸臣，點知一星期收成億，佢梗係啦啦聲笑住落海除褲啦！
范逸臣執金現年29歲的范逸臣02年靠唱電影《我的野蠻女友》國語版〈I Believe 〉而廣為人知，可惜當年行錯
歌路線，紅歌唔紅人，結果霉足兩年，04年仲被拍下當街屙尿兼啜爆唱片公司女友。
好在佢無啦啦俾《海》片導演魏德聖睇中，執柯有綸二攤做《海》片主角，鹹魚都可以翻生。最近與台星許嘉凌合作的《舞動台中》trailer 出街幾日，點擊率超過600萬，都話娛樂圈講運，連新戲《愛到底》請老臨跟范同場都有2千人爭崩頭爭住做，都話台灣多奇蹟。
搏命啜。台灣《蘋果日報》圖片
周街屙。台灣《蘋果日報》圖片
04年，當黑范逸臣冇工開嗰陣曾被台灣傳媒拍下佢同岩岩撻喺嘅女工作人員Maggie 打茄輪兼周街屙尿嘅相，不過比起香港嘅「林狗射尿」，范都算屙得低調喇，但係男人有錢就身痕，最近仲傳范同田中妹暗交，令婚期撻Q 。
范逸臣初出道頭髮長長成日扮
樣，02年嚟香港宣傳時仲同陳冠希同台，當年隻碟推出時喺台灣賣7萬成績一般，之後冇碟出轉拍台劇，香港更加潛晒水。
